گوگل کا چھوٹا مگر طاقتور ماڈل جو مصنوعی ذہانت کو بدل رہا ہے

مصنوعی ذہانت کے میدان میں جب سب کی توجہ بڑے، مہنگے اور پیچیدہ ماڈلز پر مرکوز ہے۔ گوگل نے ایک الگ سمت اختیار کی ہے۔ اس نے ایک نیا مصنوعی ذہانت ماڈل متعارف کرایا ہے۔ جس کا مقصد کم قیمت، کم توانائی اور مخصوص ٹاسکس کے لیے بہترین حل فراہم کرنا ہے۔ یہ ہے Gemma 3  ایک چھوٹا مگر طاقتور ماڈل جو بظاہر سادہ، مگر کارکردگی میں کسی بڑے ماڈل سے کم نہیں۔

Gemma 3 کیا ہے؟

Gemma 3 دراصل گوگل کی تیار کردہ Gemma فیملی کا ایک جدید ماڈل ہے۔ جو اپنی کم جسامت اور زبردست کارکردگی کی وجہ سے توجہ حاصل کر رہا ہے۔

یہ ماڈل 270 ملین پیرا میٹرز پر مشتمل ہے۔ جسے خاص طور پر کمپیکٹ اور ایفیشنٹ بنایا گیا ہے۔ تاکہ یہ کم توانائی کے ماحول میں بھی بھرپور نتائج دے سکے۔

ماڈل کی ساخت کچھ یوں ہے:

•  170 ملین ایمبیڈنگ پیرا میٹرز جو مختلف الفاظ، اصطلاحات اور زبانوں کو سمجھنے کی صلاحیت فراہم کرتے ہیں۔

•  100 ملین ٹرانسفارمر بلاکس  جو ڈیٹا کی پروسیسنگ اور ترتیب میں بنیادی کردار ادا کرتے ہیں۔

• 256,000 وکیبولری سائز  جو اسے نایاب، مخصوص اور مختلف زبانوں کے الفاظ پر کام کرنے کے قابل بناتا ہے

ان خصوصیات کی بدولت، Gemma 3 خاص طور پر انسٹرکشن فالوئنگ (یعنی دی گئی ہدایات پر عمل کرنے) اور ٹیکسٹ سٹرکچرنگ (یعنی غیر منظم مواد کو ترتیب دینے) جیسے کاموں میں نہایت مؤثر ہے۔

 بیٹری کی بچت اور پرفارمنس

گوگل کے تجربات کے مطابق، جب یہ ماڈل Pixel 9 Pro پر چلایا گیا تو: “صرف 0.75 فیصد بیٹری میں 25 مکمل بات چیت انجام دی گئیں۔” یہ کارکردگی اسے گوگل کا سب سے زیادہ توانائی بچانے والا ماڈل بناتی ہے۔ اگر آپ کم توانائی، موبائل یا آن-ڈیوائس ایپلی کیشنز کے لیے ماڈل چاہتے ہیں۔ تو یہ چھوٹا مگر طاقتور ماڈل آپ کے لیے ہے۔

ہدایات پر عمل کرنے کی صلاحیت

یہ ماڈل پہلے ہی انسٹرکشن فالو کرنے کی تربیت رکھتا ہے۔ آپ کو کسی اضافی fine-tuning کی ضرورت نہیں ہوتی۔ بس ہدایت دیں اور ماڈل فوری طور پر ردعمل دیتا ہے۔

مثال کے طور پر:

• ٹیکسٹ سمری بنانا

• ای میل کا جواب تیار کرنا

• ڈیٹا ایکسٹریکشن

• مواد کی درجہ بندی (classification)

 کب اور کیوں استعمال کریں؟

یہ ماڈل خاص طور پر ان مقاصد کے لیے بہترین ہے:

 تخلیقی ایپلیکیشنز کے لیے بھی کارآمد

Gemma 3  صرف تحقیقی یا تجزیاتی کاموں تک محدود نہیں۔ Transformers.js کے ذریعے ایک Bedtime Story Generator بنایا گیا ہے۔ جو مکمل طور پر آن لائن اور لوکل براؤزر میں چلتا ہے۔

ماہرین کی نظر میں

“AI اب صرف بڑے ماڈلز تک محدود نہیں رہا۔Gemma 3  جیسا چھوٹا مگر طاقتور ماڈل وہ دروازہ ہے۔ جو ہر چھوٹے ڈویلپر کو مصنوعی ذہانت تک رسائی دیتا ہے۔”

Gemma 3  محض ایک ماڈل نہیں

Gemma 3  محض ایک ماڈل نہیں بلکہ ایک نیا وژن ہے۔ کہ AI ہر کسی کی پہنچ میں ہو، چاہے وسائل محدود ہوں۔

یہ ماڈل ان تمام لوگوں کے لیے ہے جو:

• بجٹ میں کام کرتے ہیں۔

• پرائیویسی کو اہمیت دیتے ہیں۔

• تخلیقی ایپلی کیشنز بنانا چاہتے ہیں۔

• تیزی سے ڈیپلائمنٹ چاہتے ہیں۔