کیا آپ بھی مصنوعی ذہانت سے اشتہار بنانا چاہتے ہیں؟ 

السلام علیکم دوستوں! میرا نام قیصر ہے اور میں اردو اے آئی کی طرف سے آسان الفاظ میں عام لوگوں کو مصنوعی ذہانت یعنی جنریٹیو اے آئی سکھاتا اور سمجھاتا ہوں۔ مجھے یاد ہے میں نے آپ سے وعدہ کیا تھا کہ آج شام تک آپ کو دکھاؤں گا کہ کس طرح AI کی مدد سے اشتہار بنائے جاتے ہیں۔ میں نے اس پر کام بھی شروع کیا، لیکن ChatGPT اور OpenAI کے سرورز پر اتنا لوڈ تھا کہ نئی تصاویر جنریٹ نہیں ہو سکیں۔

مصنوعی ذہانت سے اشتہار؟ کیا واقعی ممکن ہے؟

جی ہاں! اب آپ کو نہ کیمرا چاہیے، نہ اسٹوڈیو اور نہ ہی مہنگی ٹیم۔ بس ایک موبائل، انٹرنیٹ، اور تھوڑا سا تخلیقی دماغ چاہیے، باقی کام کرے گی AI۔ اور یہ سب کچھ آپ کر سکتے ہیں صرف 5000 روپے کے سادہ سبسکرپشن سے۔

 اپنے پروموشن کا خیال اور پرامپٹ تیار کریں

سب سے پہلے آپ کو اپنے پروڈکٹ کے بارے میں سوچنا ہے۔ فرض کریں، آپ کے پاس ایک باڈی اسپرے (جیسے “AR برانڈ”) ہے۔ اب آپ چیٹ جی پی ٹی کو یہ لکھ کر دیں:

ایک نوجوان لڑکی، جو پاکستانی لباس میں، آئینے کے سامنے کھڑی ہے اور AR برانڈ باڈی اسپرے اپنے ہاتھ میں تھامے ہوئے ہے۔

چیٹ جی پی ٹی آپ کو اس پر ایک مکمل تفصیلی پرامپٹ بنا کر دے گا، جسے آپ امیج جنریٹر میں استعمال کریں گے۔

 تصویریں بنائیں (Google Labs ImageFX کا استعمال)

اب آپ جائیں گے گوگل لیبز ImageFX پر، جہاں آپ وہی پرامپٹ پیسٹ کریں گے۔

نوٹ: اگر آپ پرامپٹ میں اردو الفاظ استعمال کریں گے، تو اکثر تصویر نہیں بنے گی، اس لیے پرامپٹ صرف رومن اردو یا انگریزی میں رکھیں۔

اس سے آپ کو زبردست، برانڈڈ تصاویر ملیں گی، جیسے:

• لڑکی ہاتھ میں اسپرے تھامے

• گھر کے اندر آئینے کے سامنے

• مختلف زاویوں سے تصاویر

 ویڈیو میں تبدیلی (Sora سے ویڈیو بنائیں)

اب ImageFX سے بنی ہوئی تصاویر کو لے جائیں Sora میں۔ یہ ایک AI ویڈیو جنریٹر ہے جو تصاویر کو حرکت دیتی ہے۔

بس تصویر اپلوڈ کریں، اور Sora سے کہیں:

• Slow zoom in

• Camera pan left

• Mirror reflection style

اس سے آپ کو خوبصورت حرکتی ویڈیو کلپس مل جائیں گی۔

آواز اور موسیقی شامل کریں (OpenAI کی آواز)

آپ چاہیں تو OpenAI کے voice model سے ایک جملہ لکھوا سکتے ہیں، جیسے:

“کیونکہ خوشبو ہی تو خیالات کو مہکا دیتی ہے۔”

پھر اسے نووا یا کسی اور آواز میں جنریٹ کروائیں۔ آڈیو فائل کو MP3 میں ڈاؤنلوڈ کریں۔

 ایڈیٹنگ کریں (CapCut کا استعمال)

اب آپ سب کلپس اور آڈیو لے کر CapCut یا کسی بھی ویڈیو ایڈیٹر میں ایڈٹ کریں:

• کلپس جوڑیں

• ٹرانزیشن افیکٹس لگائیں

• موسیقی اور آواز شامل کریں

• برانڈ کا نام اور لوگو شامل کریں

اور ہو گیا آپ کا مکمل اشتہار تیار!

 اگر کلائنٹ نہیں تو کیا کریں؟

اگر ابھی کلائنٹ نہیں ملے؟ کوئی بات نہیں!

• مشہور برانڈز کے اشتہار خود سے بنائیں

• انہیں سوشل میڈیا پر شیئر کریں

• برانڈز کو ٹیگ کریں

• اپنی ڈیمانڈ خود پیدا کریں

یاد رکھیں: کامیابی تخلیق سے آتی ہے، اور آپ میں وہ تخلیق ہے۔

تو کیا آپ تیار ہیں؟

یہ تمام کام آپ صرف ایک سادہ سبسکرپشن (GPT Plus) اور مفت ٹولز جیسے Google Labs اور CapCut سے کر سکتے ہیں۔ کیا آپ سوچ سکتے ہیں کہ صرف 5-6 ہزار روپے سے ایک مکمل مارکیٹنگ ایجنسی کی خدمات آپ خود فراہم کریں گے؟

لیکن سوال یہ ہے:

کیا آپ اپنی تخلیقی طاقت پر یقین رکھتے ہیں؟ یا ابھی بھی سوچ رہے ہیں کہ “کیا میں یہ کر پاؤں گا؟” اپنے خیالات ہمیں کمنٹس میں بتائیں۔ اور اگر آپ کو یہ بلاگ مفید لگا تو ضرور شیئر کریں۔