اردو اے آئی ماسٹر کلاس 5  اے آئی کوڈنگ کے ذریعے ایپس، گیمز اور ویب سائٹس بنائیں

 اے آئی کوڈنگ کا نیا دور

السلام علیکم دوستو! میں ہوں قیصر رُونجہ اور آپ دیکھ رہے ہیں۔ اردو اے آئی کی ماسٹر کلاس سیریز کا پانچواں سیشن۔ اب تک ہم چار کلاسز کر چکے ہیں جن میں ہم نے اے آئی کی بنیادی تفصیلات، اس کی کیٹیگریز اور اس کے عملی استعمالات پر بات کی۔ آج ہم ایک اور دلچسپ پہلو، اے آئی کی مدد سے ایپس، ویب سائٹس اور سافٹ ویئر بنانے پر بات کریں گے۔

روایتی کوڈنگ اور اے آئی کوڈنگ میں فرق

ماضی میں اگر آپ کو کوئی ایپ یا سافٹ ویئر بنوانا ہوتا۔ تو یا تو کسی بڑے سافٹ ویئر ہاؤس سے مدد لینا پڑتی یا کسی ماہر پروگرامر کی خدمات حاصل کرنا ضروری ہوتا۔ مگر اب اے آئی کوڈنگ کے ذریعے یہ سب بہت آسان ہو گیا ہے!
No-Code” یا “اے آئی کوڈنگ” ایک ایسا نیا تصور ہے جس میں آپ کوڈنگ کیے بغیر سافٹ ویئر بنا سکتے ہیں۔ آپ صرف اپنا آئیڈیا بیان کریں گے۔ اور اے آئی خودکار طور پر کوڈ لکھ کر ایپ یا ویب سائٹ تیار کر دے گا۔

اے آئی کوڈنگ کیسے کام کرتی ہے؟

اگر آپ کو کمپیوٹر کی بنیادی سمجھ ہے اور آپ کے پاس کوئی زبردست آئیڈیا ہے۔ تو اب آپ خود بھی Games، Apps اور Websites بنا سکتے ہیں۔

• کچھ AI Tools کے ذریعے آپ بول کر کوڈ لکھوا سکتے ہیں۔
• کچھ پلیٹ فارمز کوڈ کو آٹو جنریٹ کرتے ہیں تاکہ آپ کے کام کو آسان بنایا جا سکے۔
• Anthropic Claude 3.7 جیسے جدید ماڈلز انتہائی سمارٹ اور تیز رفتار کوڈنگ کر سکتے ہیں۔

اے آئی کوڈنگ کی مثال

فرض کریں، آپ کے ہاتھ میں ایک کپ ہے۔ دیکھنے میں یہ ایک عام کپ لگتا ہے۔  لیکن اگر آپ اس کے بنانے کے مراحل کو سمجھیں تو معلوم ہوگا کہ اس میں کئی پیچیدہ پروسیس شامل ہیں۔ بالکل اسی طرح، جب ہم کوئی ایپ یا ویب سائٹ دیکھتے ہیں۔ تو وہ ایک سادہ انٹرفیس لگتا ہے، مگر اندرون خانہ ہزاروں لائنوں پر مشتمل کوڈ ہوتا ہے۔
پہلے کوڈنگ کے لیے بہت زیادہ اسکلز درکار ہوتی تھیں۔ لیکن اب اے آئی آپ کی زبان کو سمجھتا ہے اور خودکار طور پر کوڈ تیار کر دیتا ہے۔ آپ جو بولیں گے، اے آئی اسے کوڈ میں تبدیل کر دے گا!

اے آئی کوڈنگ کے لیے ضروری ٹولز اور پلیٹ فارمز

یہاں کچھ بہترین پلیٹ فارمز ہیں جو اے آئی کوڈنگ میں مددگار ثابت ہو سکتے ہیں:
Cursor
WindSurf
Bolt
Replit
Loveable
یہ پلیٹ فارمز پہلے سے ایپس اور سافٹ ویئر بنانے کے لیے مشہور تھے۔مگر اب ان میں اے آئی کوڈنگ کی خصوصیات شامل کر دی گئی ہیں تاکہ کوڈنگ زیادہ خودکار اور تیز ہو جائے۔

اے آئی کوڈنگ کا عملی مظاہرہ

آج کی ویڈیو میں ہم کچھ ٹولز کو ایکسپلور کریں گے اور خود Demo بنا کر دیکھیں گے کہ کیسے اے آئی کوڈنگ کام کرتی ہے۔ کچھ ٹولز ایسے ہیں جو ابھی بھی تھوڑی محنت کا تقاضا کرتے ہیں، جبکہ کچھ صرف آپ کی آواز سن کر کوڈ لکھ سکتے ہیں!

 کیا آپ بھی اے آئی کوڈنگ سیکھ سکتے ہیں؟

بالکل! اے آئی کوڈنگ ہر ایک کے لیے آسان ہو چکی ہے۔ اگر آپ نئے آئیڈیاز کے ساتھ کام کرنا چاہتے ہیں اور اپنی ایپ، ویب سائٹ یا گیم بنانا چاہتے ہیں، تو اب یہ زیادہ مشکل نہیں رہا۔ تو پھر دیر کس بات کی؟ اے آئی کوڈنگ کی دنیا میں اپنا پہلا قدم رکھیں!