گوگل ڈرائیو میں جیمینی کی نئی سہولت’Catch me up‘آپ کی فائلز کا فوری خلاصہ

مصنوعی ذہانت کے شعبے میں گوگل کی نئی پیشرفت کے طور پر جیمینی اب گوگل ڈرائیو میں ایک نہایت مفید فیچر کے ساتھ سامنے آیا ہے جس کا نام ہے ’catch me up‘۔ اس فیچر کی مدد سے صارفین اپنی فائلز کی تازہ ترین تبدیلیوں کا خلاصہ ایک نظر میں دیکھ سکتے ہیں۔ جو کہ وقت بچانے کے ساتھ ساتھ کام کی روانی بھی بہتر بناتا ہے۔

یہ نیا  catch me up  فیچر ہے کیا؟

جب آپ گوگل ڈرائیو کے سائیڈ پینل میں موجود “Ask Gemini” سیکشن میں جائیں گے تو آپ کو ایک نیا بٹن ’Catch me up‘ دکھائی دے گا۔ جیسے ہی آپ اس بٹن پر کلک کریں گے، جیمینی آپ کی وہ فائلز تلاش کرے گا جن میں آپ کی آخری وزٹ کے بعد کوئی تبدیلی آئی ہو۔ جیسے گوگل ڈاکس میں ترامیم، شیٹس یا سلائیڈز میں تبصرے۔

یہ فیچر خاص طور پر ان صارفین کے لیے مددگار ہے جو روزانہ متعدد ڈاکیومنٹس پر کام کرتے ہیں اور ہر فائل کھول کر اپڈیٹس چیک کرنا وقت کا ضیاع سمجھتے ہیں۔ اب صرف ایک کلک سے آپ کو تمام تبدیلیوں کا خلاصہ بلٹ پوائنٹس میں فراہم ہو جاتا ہے۔

ایک فائل کا الگ خلاصہ بھی ممکن

یہ فیچر صرف مجموعی فائلز کے لیے ہی نہیں بلکہ انفرادی فائل پر بھی لاگو ہوتا ہے۔ جب آپ ڈرائیو میں کسی فائل کے ساتھ جیمینی کا سرکل آئیکن دیکھتے ہیں۔ تو یہ اس بات کی علامت ہے کہ اس میں کوئی نئی تبدیلی ہوئی ہے۔ اس آئیکن پر کلک کرنے سے جیمینی اس فائل میں ہونے والی تبدیلیوں کا خلاصہ فوری طور پر فراہم کر دیتا ہے۔ جو کہ Gemini Live Camera Mode جیسے فیچرز کی طرح جدید اور صارف دوست سہولت ہے۔

کن صارفین کے لیے دستیاب ہے؟

گوگل کے مطابق یہ فیچر آئندہ چند ہفتوں میں درج ذیل صارفین کے لیے متعارف کرایا جا رہا ہے:

• Google Workspace Business Standard اور Plus

• Enterprise Standard اور Plus

• Gemini Education یا Gemini Education Premium ایڈ آن والے صارفین

• Google One AI Premium (Pro اور Ultra)

جیمینی: نئی جہتوں کی تلاش

یہ بات اب واضح ہوتی جا رہی ہے کہ جیمینی صرف ایک AI چیٹ بوٹ نہیں بلکہ ایک مکمل ورک اسپیس اسسٹنٹ بنتا جا رہا ہے۔ چاہے وہ ڈرائیو میں خلاصہ فراہم کرنا ہو یا کروم براؤزر میں نیا تجربہ، جیسا کہ Perplexity Chrome Extension کے ذریعے کیا گیا۔ گوگل مسلسل جیمینی کو بہتر بنانے کی کوششوں میں مصروف ہے۔

اس سے قبل، کچھ صارفین کو Google Gemini App میں آڈیو اوورویو فیچر میں مسئلہ پیش آیا تھا۔ جس پر گوگل نے فوری ردعمل دیا اور اپڈیٹ جاری کی۔

ماہرین کی رائے

ڈیجیٹل اسٹریٹیجی کے ماہر نعمان ایاز کے مطابق:

’’یہ فیچر ان افراد کے لیے خاصا مددگار ہو گا جو روزانہ کئی فائلز پر کام کرتے ہیں اور وقت کی بچت چاہتے ہیں۔ گوگل نے AI کو حقیقی معنوں میں صارفین کی ضرورتوں کے مطابق ڈھالا ہے۔‘‘

’catch me up ‘ فیچر آپ کے کام کو مزید آسان

اگر آپ گوگل ورک اسپیس یا گوگل ڈرائیو استعمال کرتے ہیں۔ تو جیمینی کا ’کیچ می اَپ‘ فیچر آپ کے کام کو مزید آسان، تیز اور مؤثر بنا سکتا ہے۔ اب صرف ایک کلک پر آپ اپنی فائلز میں ہونے والی تبدیلیوں سے باخبر رہ سکتے ہیں۔ اور وقت کو بہتر انداز میں استعمال کر سکتے ہیں۔

اس کی مزید تفصیلات اور فیچر کی اصل خبر 9to5Google پر بھی دستیاب ہے۔