چیٹ جی پی ٹی کا نیا فیچر: اب مقامی تلاش پہلے سے بہتر

کیا چیٹ جی پی ٹی گوگل کا متبادل بننے جا رہا ہے؟

کبھی آپ نے سوچا کہ اگر چیٹ جی پی ٹی سے آپ پوچھیں کہ “میرے قریب بہترین چکن برگر کہاں ملتا ہے؟” تو کیا وہ آپ کو ویسا ہی درست جواب دے گا جیسا گوگل دیتا ہے؟ شاید کچھ عرصہ پہلے تک ایسا ممکن نہیں تھا۔ لیکن اب معاملہ بدل چکا ہے۔ چیٹ جی پی ٹی نے حال ہی میں مائیکروسافٹ Bing کے سرچ ڈیٹا کو اپنے سسٹم میں شامل کیا ہے۔ اور یہی وہ لمحہ ہے جس نے مقامی تلاش کا تجربہ بدل کر رکھ دیا ہے۔

چیٹ جی پی ٹی اور گوگل کی مقامی تلاش میں فرق کیا ہے؟

جب ہم گوگل پر کچھ تلاش کرتے ہیں تو ہمیں ایک لوکل پیک ملتی ہے۔ یعنی نقشے کے ساتھ 3 قریبی کاروبار، ریٹنگز، اوقاتِ کار وغیرہ۔ اب چیٹ جی پی ٹی بھی تقریباً ویسا ہی کچھ دکھا رہا ہے۔ مثال کے طور پر اگر آپ بروکلن کے علاقے ریڈ ہُک میں “اتوار کو کھلے ڈرائی کلینرز” تلاش کرتے ہیں تو چیٹ جی پی ٹی آپ کو نہ صرف نام بتاتا ہے بلکہ ایک مختصر نقشہ بھی دیتا ہے۔ مگر مزے کی بات یہ ہے کہ یہ سب کچھ وہ Bing سے ڈیٹا لے کر اپنے الگ انداز میں ترتیب دیتا ہے۔

کیا چیٹ جی پی ٹی Bing Places کو پڑھ سکتا ہے؟

یہاں ایک عام غلط فہمی پائی جاتی ہے۔ لوگ سمجھتے ہیں۔ کہ اگر انہوں نے Bing Places پر اپنے بزنس کی معلومات شامل کر دی ہیں تو چیٹ جی پی ٹی بھی وہی ڈیٹا استعمال کرے گا۔حقیقت یہ ہے کہ چیٹ جی پی ٹی Bing Places کے مخصوص پروفائلز یا ان کے اندر موجود ریویوز، فوٹوز یا بزنس آورز کو براہِ راست نہیں دیکھ سکتا۔ لیکن چونکہ وہ ویب پر موجود ٹاپ ویب سائٹس کو پڑھتا ہے۔ اس لیے اگر آپ کی ویب سائٹ Bing کے سرچ میں اچھی پوزیشن پر ہے تو آپ کا کاروبار چیٹ جی پی ٹی پر بھی نظر آئے گا۔اسی طرح Gmail میں بھی AI کے ذریعے سرچ کا تجربہ بدلا ہے

چیٹ جی پی ٹی مقامی معلومات کو کیسے چنتا ہے؟

جب آپ کوئی لوکل سوال پوچھتے ہیں تو چیٹ جی پی ٹی:

1. Bing سے 20–30 ویب پیجز کھینچتا ہے۔
2. ان میں سے وہ 5–8 سائٹس چنتا ہے جو لگتی ہیں کہ درست اور مخصوص معلومات رکھتی ہیں۔ جیسے بزنس کی ویب سائٹ، مقامی بلاگز، یا ریویو سائٹس۔
3. پھر ان میں سے 3–5 سائٹس کا انتخاب کرتا ہے جو “verifiable” ہوں  یعنی جہاں دی گئی معلومات آپ خود بھی جا کر دیکھ سکیں۔

مثال کے طور پر ایک بزنس جس کی ویب سائٹ پر کھلے ہونے کے اوقات، کسٹمر ریویوز، اور لوکیشن واضح ہو، اس کے نمایاں ہونے کے امکانات زیادہ ہوتے ہیں۔

کیا چیٹ جی پی ٹی خود نقشے بناتا ہے؟

جو نقشہ آپ کو چیٹ جی پی ٹی پر نظر آتا ہے۔ وہ دراصل OpenAI کی ویب سائٹ کا حصہ ہوتا ہے۔ یعنی یہ وہ معلومات ہے جو چیٹ جی پی ٹی فراہم کرتا ہے، اور فرنٹ اینڈ پر ایک نقشے کی شکل میں ظاہر کی جاتی ہے۔ یہ نقشہ چیٹ جی پی ٹی کی فراہم کردہ معلومات (جیسے نام، ایڈریس، ریٹنگ) سے بنایا جاتا ہے۔

اگر آپ کا مقامی کاروبار ہے تو کیا کرنا چاہیے؟

چیٹ جی پی ٹی میں نمایاں ہونے کے لیے آپ کو اپنے کاروبار کے لیے کچھ آسان اقدامات کرنے ہوں گے:

• اپنی ویب سائٹ پر مکمل معلومات اپ ڈیٹ کریں، جیسے پتہ، فون نمبر، اوقاتِ کار، اور صارفین کے ریویوز۔
• اپنی ویب سائٹ پر schema.org markup ضرور لگائیں تاکہ معلومات structured انداز میں نظر آئیں۔
• Bing Places میں اپنی لسٹنگ ضرور شامل کریں، کیونکہ وہ Bing کے سرچ نتائج پر اثر ڈالتی ہے، جو چیٹ جی پی ٹی دیکھتا ہے۔
• مقامی بلاگز یا نیوز سائٹس میں اپنے بزنس کا ذکر کروائیں۔
• کوئی منفرد بلاگ لکھیں جیسے: “میرے علاقے میں ماحول دوست dry cleaning کیوں ضروری ہے؟”

تو بات کہاں پہنچتی ہے؟

چیٹ جی پی ٹی اب صرف ایک چیٹ بوٹ نہیں رہا۔ یہ اب آپ کے مقامی کاروبار کے لیے ایک نیا ڈیجیٹل گیٹ وے بنتا جا رہا ہے۔ اگر آپ Bing پر اپنا اثر بڑھاتے ہیں، تو چیٹ جی پی ٹی آپ کو نظر انداز نہیں کرے گا۔

یاد رکھیں:

“Make your business easy for Bing to understand and easy for ChatGPT to cite.”