ایلون مسک کا گروک اے آئی

دوستوں، آج ہم بات کریں گے ایلون مسک کی نئی AI کمپنی “xAI” اور اس کے جدید چیٹ بوٹ “گروک” کے بارے میں۔ اگر آپ نے کبھی ایلون مسک کا نام سنا ہے۔  تو یقیناً آپ کو Tesla، SpaceX، Starlink اور دیگر بڑے پروجیکٹس کا بھی پتا ہوگا۔ ایلون مسک دنیا کے امیر ترین افراد میں سے ایک ہیں اور جدید ٹیکنالوجی میں ان کے کردار کو نظرانداز نہیں کیا جا سکتا۔ آج ہم دیکھیں گے کہ “Grok 3” کیسے دنیا کے بہترین AI ماڈلز میں شامل ہو چکا ہے۔ اور آپ اسے کیسے استعمال کر سکتے ہیں۔

گروک 3: دنیا کا ذہین ترین چیٹ بوٹ؟

xAI کمپنی کو AI انڈسٹری میں قدم رکھے صرف 17-18 ماہ ہوئے ہیں۔  لیکن اس دوران اس نے “Grok” کے نام سے ایک زبردست چیٹ بوٹ لانچ کر دیا ہے۔ حیران کن بات یہ ہے کہ اتنے کم وقت میں یہ چیٹ بوٹ مختلف بینچ مارکس میں دنیا کے بہترین ماڈلز میں شامل ہو چکا ہے۔

حالیہ اپ ڈیٹ میں “Grok 3” کو فری کر دیا گیا ہے۔  یعنی اب آپ اسے مفت استعمال کر سکتے ہیں۔ ایلون مسک کا کہنا ہے کہ اس چیٹ بوٹ کا مقصد کائنات کے رازوں کو سمجھنا اور لوگوں کو جدید ترین AI ٹیکنالوجی تک رسائی دینا ہے۔

Grok 3 تک رسائی کیسے حاصل کریں؟

اگر آپ “Grok” کو خود استعمال کرنا چاہتے ہیں، تو آپ کو بس درج ذیل سٹیپس پر عمل کرنا ہوگا:

1. اپنے ویب براؤزر میں جائیں اور “https://grok.com/” پر وزٹ کریں۔
2. اگر آپ کے پاس اکاؤنٹ ہے تو لاگ ان کریں، ورنہ نیا اکاؤنٹ بنا لیں۔
3. لاگ ان کے بعد آپ کو ایک چیٹ انٹرفیس نظر آئے گا جہاں آپ اپنے سوالات پوچھ سکتے ہیں۔

یہ AI ماڈل ڈیپ ریسرچ کرتا ہے، مختلف سورسز کو چیک کرتا ہے، اور پھر بہترین جواب فراہم کرتا ہے۔

Grok 3 سے کاروباری آئیڈیاز لینا

ہم نے “Grok 3” سے ایک سوال پوچھا کہ “اگر میرے پاس 10,000 روپے ہوں تو میں لاہور میں کون سا کاروبار شروع کر سکتا ہوں۔  AI نے مختلف کاروباری آئیڈیاز فراہم کیے، جن میں شامل تھے:

• مشروم فارمنگ: یہ ایک ابھرتا ہوا کاروبار ہے جس میں کم لاگت پر اچھا منافع حاصل کیا جا سکتا ہے۔
• سموسے بیچنے کا بزنس: Grok نے مشورہ دیا کہ اگر آپ روزانہ 40 سموسے بیچیں جن کی قیمت 30 روپے فی سموسہ ہو، تو آپ مہینے میں 36,000 روپے کما سکتے ہیں۔
• ٹیلرنگ شاپ: اگر آپ کپڑے سینے کا کام جانتے ہیں، تو ایک چھوٹی سی دکان کھول کر بھی اچھا کاروبار کر سکتے ہیں۔

Grok نے 100 سے زائد ویب سائٹس کو اینالائز کیا اور پھر یہ آئیڈیاز دیے، جو کہ حیرت انگیز ہے۔

گروک 3 اور امیج جنریشن

“Grok 3” نہ صرف چیٹ بوٹ کے طور پر کام کرتا ہے بلکہ یہ AI-generated تصاویر بھی بنا سکتا ہے۔ ہم نے اس سے مشہور شخصیات کی تصاویر بنانے کو کہا، لیکن نئے قوانین کی وجہ سے کچھ تصاویر نہیں بن سکیں۔ البتہ، Grok 3 کی امیج جنریشن صلاحیتیں بے حد اعلیٰ ہیں اور یہ حیران کن کوالٹی کی تصاویر تیار کر سکتا ہے۔

یہی نہیں، بلکہ مستقبل میں Grok 3 کا وائس موڈ بھی متعارف کروایا جا رہا ہے۔  جس کی مدد سے آپ AI کے ساتھ بات چیت بھی کر سکیں گے۔

سوال آپ کے لئیے

دوستوں، “Grok 3” اس وقت AI انڈسٹری میں ایک بڑا انقلاب لے کر آیا ہے۔ چاہے آپ کاروباری مشورے لینا چاہتے ہوں، معلوماتی سوالات پوچھنا چاہتے ہوں۔ یا تصویریں بنوانا چاہتے ہوں، یہ چیٹ بوٹ ہر لحاظ سے ایک بہترین آپشن ہے۔

جیسے ہی “Grok 3” کے مزید فیچرز لانچ ہوں گے۔ ہم آپ کو ان کے بارے میں ضرور اپ ڈیٹ کریں گے۔ تب تک، آپ “Grok 3” کو خود استعمال کریں اور اس کے زبردست فیچرز سے فائدہ اٹھائیں۔

اپنا بہت خیال رکھیے گا!