کیمی اے آئی اور زیڈ اے آئی کے ذریعے کیسے پریزنٹیشنز اور ای بکس بنائیں؟

کیا آپ کبھی پریزنٹیشن بنانے یا ای بکس لکھنے میں وقت ضائع کر بیٹھے ہیں؟ اب یہ مسئلہ ختم ہو چکا ہے۔ کیمی اے آئی اور زیڈ اے آئی جیسے جدید ماڈلز چند پرامپٹس سے آپ کو مکمل پاور پوائنٹ پریزنٹیشنز، پی ڈی ایفز اور ای بکس بنا کر دیتے ہیں۔ وہ بھی منظم اور ایڈٹ ایبل فارمیٹ میں۔

کیمی اے آئی اور زیڈ اے آئی جدید چینی مصنوعی ذہانت کے ماڈلز ہیں۔ جو خاص طور پر پریزنٹیشنز اور ڈاکیومنٹس بنانے میں مہارت رکھتے ہیں۔ کیمی اے آئی نے حال ہی میں پاور پوائنٹ بنانے کا فیچر متعارف کرایا ہے۔ جبکہ زیڈ اے آئی ای بکس اور پی ڈی ایفز بنانے کے ساتھ ساتھ پریزنٹیشنز بھی تخلیق کرتا ہے۔ ان کی سب `سے بڑی خوبی یہ ہے کہ تیار شدہ فائلز براہِ راست مائیکروسافٹ پاور پوائنٹ یا پی ڈی ایف ریڈرز میں کھل کر بغیر کسی بگاڑ کے استعمال ہو سکتی ہیں۔

ویڈیو  کے مطابق، زیڈ اے آئی میں صارف اپنے گوگل اکاؤنٹ سے لاگ ان کرتا ہے اور اے آئی سلائیڈز کا آپشن منتخب کرتا ہے۔ صارف پرامپٹ دیتا ہے۔ جیسے: “یوٹیوب پرویڈیو اپلوڈ کرنے کا سٹیپ بائی سٹیپ گائیڈ بناؤ“۔ ماڈل انٹرنیٹ سے متعلقہ مواد تلاش کرتا ہے اور اس میں اسکرین شاٹس، تصاویر اور مرحلہ وار وضاحت شامل ہوتی ہے۔ اس طرح صارف کے پاس ایک مکمل پی ڈی ایف یا پریزنٹیشن تیار ہو جاتی ہے جسے وہ اپنی مرضی کے مطابق ایڈٹ یا ڈاؤن لوڈ کر سکتا ہے۔

زیڈ اے آئی اور کیمی اے آئی دونوں ہی تیار شدہ سلائیڈز کو پاور پوائنٹ فائلز میں ایکسپورٹ کرنے کی سہولت دیتے ہیں۔ سلائیڈز کھولنے کے بعد آپ لوگو، متن، فانٹس اور تصاویر تبدیل کر سکتے ہیں۔ صارف چاہے تو سلائیڈز کو تصویر یا پی ڈی ایف کے طور پر بھی ایکسپورٹ کر سکتا ہے۔ ایڈٹ ایبل فارمیٹ ہونے کی وجہ سے یہ فائلز عام پریزنٹیشنز جیسی لگتی ہیں۔ کوئی تکنیکی فرق محسوس نہیں ہوتا۔

کیمی اے آئی بھی سلائیڈز کے نام سے ایک آپشن فراہم کرتا ہے۔ صارف صرف پرامپٹ دیتا ہے اور ماڈل خوبصورت الفاظ، اسٹائل اور تصاویر کے ساتھ مکمل پریزنٹیشن بنا دیتا ہے۔ اس فائل کو بھی پاور پوائنٹ میں ڈاؤن لوڈ کر کے تبدیل کیا جا سکتا ہے۔ اس کا فائدہ یہ ہے کہ صارف کو ایک پیشہ ورانہ پریزنٹیشن ڈیزائن ملتا ہے جو آگے استعمال کے لیے بالکل تیار ہوتا ہے۔

 زیڈ اے آئی نے یوٹیوب ویڈیو اپلوڈ کرنے کا گائیڈ بنایا، جس میں ہر مرحلہ تفصیل سے بیان تھا: اپلوڈ، عنوان، وضاحت، اور سیٹنگز۔ اس میں تصاویر اور اسکرین شاٹس شامل تھے تاکہ صارف آسانی سے سمجھ سکے۔ یہی فائل پاور پوائنٹ میں ڈاؤن لوڈ کر کے مزید ایڈٹ کی گئی۔ اسی طرح کیمی اے آئی نے بھی ایک مکمل پریزنٹیشن تیار کی۔ جس میں اسٹائل، تصاویر اور متن پہلے سے ترتیب شدہ تھا۔

ان ماڈلز کے استعمال کے کئی بڑے فوائد ہیں۔ وقت کی بچت ہوتی ہے کیونکہ منٹوں میں سلائیڈز اور گائیڈز تیار ہو جاتے ہیں۔ مواد میں تصاویر، اسٹائلنگ اور وضاحت پہلے سے شامل ہوتی ہے جس سے معیار بہتر ہوتا ہے۔ تیار شدہ فائل ایڈٹ ایبل ہوتی ہے، یعنی صارف اپنی ضرورت کے مطابق تبدیلی کر سکتا ہے۔ سب سے بڑھ کر یہ کہ ان ٹولز کو تعلیمی گائیڈز، ای بکس، کارپوریٹ پریزنٹیشنز اور سوشل میڈیا مواد کے لیے بیک وقت استعمال کیا جا سکتا ہے۔

کچھ رکاوٹیں بھی ہیں۔ بہترین نتائج کے لیے درست پرامپٹ انجینئرنگ سیکھنا ضروری ہے۔ بڑے پروجیکٹس کے لیے انٹرنیٹ اسپیڈ اور ریسورسز اہم کردار ادا کرتے ہیں۔ کبھی کبھار تصاویر یا اسکرین شاٹس بالکل درست نہ ہوں۔ اس لیے ایڈٹ لازمی کرنا پڑتا ہے۔

آخر میں یہ کہنا درست ہوگا کہ کیمی اے آئی اور زیڈ اے آئی نے یہ ثابت کر دیا ہے۔ کہ پریزنٹیشنز، پی ڈی ایفز اور ای بکس بنانا اب صرف چند کلکس کا کام رہ گیا ہے۔ یہ ٹولز نہ صرف وقت بچاتے ہیں بلکہ صارف کو ایک ایسا پیشہ ورانہ اور ایڈٹ ایبل حل فراہم کرتے ہیں۔ جو تعلیمی، کاروباری اور سوشل میڈیا کے لیے بے حد کارآمد ہے۔