مصنوعی ذہانت کے دلچسپ حقائق جو آپ کو ابھی جاننے چاہییں!

ہیلو دوستوں! میں ہوں معراج احمد اردو اے آئی سے، اور آج ہم بات کرنے والے ہیں ایک ایسے موضوع پر جو ہر طرف چھایا ہوا ہے۔ مصنوعی ذہانت یعنی “آرٹیفیشل انٹیلیجنس”۔ آپ نے اس کا نام تو ضرور سنا ہوگا، لیکن کیا آپ واقعی جانتے ہیں کہ یہ کتنا بڑا انقلاب بن چکا ہے؟ چلیے آج آپ کو کچھ ایسے دلچسپ حقائق اور حیران کن اعداد و شمار بتاتا ہوں جو آپ کو چونکا دیں گے!

ہر دن 34 ملین تصویریں صرف اے آئی سے بنتی ہیں!

جی ہاں! ہر دن لاکھوں لوگ انٹرنیٹ پر موجود اے آئی ٹولز سے تصویریں بناتے ہیں۔ اب چاہے کوئی پوسٹر ہو، شادی کا کارڈ ہو یا سوشل میڈیا پوسٹ، سب کچھ مشین سے تیار ہو رہا ہے۔ نہ ڈیزائنر کی ضرورت، نہ مہنگا سافٹ ویئربس ایک کلک!

 71 فیصد سوشل میڈیا کی تصویریں اب جعلی ہیں!

ذرا اپنی فیس بک یا انسٹاگرام فیڈ پر نظر دوڑائیں۔ کیا سب کچھ اصلی لگتا ہے؟ حیرت کی بات یہ ہے کہ اب 70 فیصد سے زیادہ تصاویر اے آئی نے بنائی ہوتی ہیں۔ یہ آسانی تو لاتی ہے، لیکن ایک سوال بھی اٹھاتی ہے: “ہم جو دیکھ رہے ہیں، کیا وہ واقعی ہے بھی؟”

 ڈیپ فیک فراڈ 6.5 فیصد تک پہنچ چکا ہے!

ڈیپ فیک؟ وہ کیا ہوتا ہے؟ یہ ایسی ویڈیو یا آڈیو ہوتی ہے جس میں کسی کا چہرہ یا آواز بدل دی جاتی ہے۔ بالکل اصلی لگتی ہے، مگر ہوتی جعلی ہے! 2022 میں یہ فراڈ صرف 0.01٪ تھا، اور اب؟ 6.5٪ ہو چکا ہے! سوچیں، کتنے لوگ اس سے دھوکہ کھا سکتے ہیں۔ اسی لیے کمپنیاں اب اپنی حفاظت کے لیے نئی ٹیکنالوجی لا رہی ہیں۔

تو کیا ہم تیار ہیں؟

دوستوں! مصنوعی ذہانت ہماری زندگی آسان بھی بنا رہی ہے اور مشکل بھی۔ ایک طرف ہم تصویریں، ویڈیوز، اور مواد بنا سکتے ہیں سیکنڈز میں، دوسری طرف جھوٹ اور فراڈ کے راستے بھی کھل رہے ہیں۔

اب سوال یہ ہے:

کیا ہم اس ٹیکنالوجی کو سمجھنے کے لیے تیار ہیں؟ یا یہ ہم سے آگے نکلتی جا رہی ہے؟

 آپ کی رائے کیا ہے؟

کیا آپ کو مصنوعی ذہانت سے ڈر لگتا ہے یا مزہ آتا ہے؟ کمنٹس میں ضرور بتائیں، آپ کی رائے میرے لیے بہت اہم ہے۔