-
Miraj Roonjha
- No Comments
- academic AI, AI for students, AI journalism, AI Research, AI Tools, automated research, GPT-4o, OpenAI Deep Research, research technology
اوپن اے آئی کا نیا فیچرڈیپ ریسرچ تحقیق کا ایک نیا انداز
دوست، مصنوعی ذہانت (AI) کے میدان میں ہر روز کچھ نہ کچھ نیا سامنے آتا ہے۔ اوپن اے آئی نے حال ہی میں اپنا نیا فیچر “ڈیپ ریسرچ” متعارف کرایا ہے، جو ایک ذہین ایجنٹ ہے جو خودکار طریقے سے انٹرنیٹ پر تحقیق کرکے مفصل رپورٹس تیار کرتا ہے۔ یہ ایک انقلابی قدم ہے جو تحقیق کے روایتی طریقوں کو مکمل طور پر بدل کر رکھ دے گا۔
ڈیپ ریسرچ کیا ہے؟
یہ ایک نیا ChatGPT فیچر ہے جو انٹرنیٹ پر موجود مواد کو سمارٹ انداز میں تلاش کرکے، مستند اور حوالہ جات کے ساتھ تفصیلی رپورٹس بناتا ہے۔ اگر آپ کو کسی پیچیدہ موضوع پر تحقیق کرنی ہو، تو یہ ایجنٹ چند منٹوں میں وہ کام کر سکتا ہے جو عام طور پر گھنٹوں یا دنوں میں مکمل ہوتا ہے۔
ڈیپ ریسرچ کیسے کام کرتا ہے؟
•یہ ایک ایجنٹک سسٹم پر کام کرتا ہے، یعنی یہ کئی مراحل میں ویب پر تحقیق کرتا ہے۔
•یہ مختلف ویب سائٹس سے مستند معلومات اکٹھی کرکے، انہیں ایک مربوط اور حوالہ شدہ رپورٹ میں پیش کرتا ہے۔
•یوزرز اپنی فائلز بھی اپلوڈ کر سکتے ہیں تاکہ یہ ان کی تحقیق میں مزید گہرائی پیدا کرے۔
•یہ GPT-4o سے زیادہ وسیع تجزیہ اور تفصیلی تحقیق فراہم کرتا ہے۔
•اسے مختلف تحقیقاتی چیلنجز پر آزمایا گیا ہے، مثلاً “ہیومینٹیز لاسٹ ایگزام”، جہاں اس نے نئے سنگ میل عبور کیے ہیں۔
یہ کن لوگوں کے لیے مفید ہوگا؟
اگر آپ ایک طالب علم، ریسرچر، جرنلسٹ، کاروباری شخصیت یا کوئی ایسا فرد ہیں جو مستند اور جلد تحقیق چاہتا ہے۔ تو “ڈیپ ریسرچ” آپ کے لیے ایک زبردست ٹول ثابت ہوگا۔
کب اور کیسے دستیاب ہوگا؟
اوپن اے آئی کے مطابق، یہ آج ہی “پرو پلان” کے صارفین کے لیے ویب پر لانچ کیا جا رہا ہے۔ جبکہ جلد ہی یہ ڈیسک ٹاپ اور موبائل پر بھی دستیاب ہوگا۔ بعد میں اسے “پلس” اور “ٹیم” پلان کے یوزرز کے لیے بھی متعارف کرایا جائے گا۔
تحقیق کا نیا دور
دوست، اگر ہم دیکھیں تو تحقیق کے طریقے وقت کے ساتھ بدلتے رہے ہیں۔ اور اب AI تحقیق میں ایک نیا انقلاب لا رہا ہے۔ “ڈیپ ریسرچ” جیسے جدید ٹولز ہمارے لیے مواقع پیدا کر رہے ہیں۔ کہ ہم کم وقت میں زیادہ بہتر کام کر سکیں۔ یہ مستقبل میں تحقیق اور تجزیے کا ایک اہم حصہ بن سکتا ہے، اور ہمیں اس ٹیکنالوجی سے فائدہ اٹھانے کے لیے تیار رہنا چاہیے۔
کیا آپ بھی تحقیق کے لیے AI ٹولز استعمال کرتے ہیں؟ اپنی رائے ضرور دیں!
