25 سال بعد مائیکروسافٹ نے پاکستان میں دفتر کیوں بند کر دیا؟

ٹیکنالوجی کی دنیا کی بڑی کمپنی مائیکروسافٹ نے پاکستان میں اپنا دفتر بند کرنے کا فیصلہ کیا ہے۔  جو گزشتہ 25 برس سے یہاں سرگرم تھا۔ اس فیصلے نے ملک میں ٹیکنالوجی کے شعبے سے جڑے افراد کو حیرت میں ڈال دیا ہے۔

دفتر بند مگر سروس جاری

مائیکروسافٹ کے مطابق پاکستان میں ان کا “آپریٹنگ ماڈل تبدیل” کیا جا رہا ہے۔ تاہم دفتر کی بندش کے باوجود مقامی صارفین کے لیے سروسز دستیاب رہیں گی۔ کمپنی نے وضاحت کی ہے کہ اس اقدام کا مقصد ادارہ جاتی بہتری اور مسابقتی برتری حاصل کرنا ہے۔

مصنوعی ذہانت کی جانب توجہ

اس فیصلے کے پسِ منظر میں مائیکروسافٹ کی جانب سے مصنوعی ذہانت میں 80 ارب ڈالر کی بھاری سرمایہ کاری کا اعلان بھی سامنے آیا ہے۔ کمپنی اب اپنے اے آئی ماڈلز کی تربیت کے لیے عالمی سطح پر ڈیٹا سینٹرز قائم کر رہی ہے۔

دفتر بند کرنے کی وجہ کیا ہے؟

بی بی سی اردو سے گفتگو میں کمپنی کی ترجمان نے بتایا کہ یہ فیصلہ عالمی حکمتِ عملی کے تحت لیا گیا ہے۔   پاکستان میں محض پانچ ملازمین پر مشتمل نمائندہ دفتر بند ہو گا۔  مگر لائسنسنگ اور دیگر تجارتی سرگرمیاں بدستور یورپ سے جاری رہیں گی۔

دفتر بند، مگر وابستگی برقرار؟

پاکستان کی وزارت آئی ٹی نے بیان میں واضح کیا کہ مائیکروسافٹ اب بھی پاکستان سے وابستگی کا مظاہرہ کر رہا ہے۔  اور یہ تنظیمی تبدیلی عالمی ماڈل کا حصہ ہے۔

عوامی ردِ عمل اور خدشات

سابق صدر عارف علوی نے اس فیصلے کو ملکی معیشت کے لیے منفی قرار دیا۔ سوشل میڈیا پر بھی اس اعلان کو مایوس کن قرار دیا جا رہا ہے۔ اس سے قبل کریم اور اوبر جیسی کمپنیاں بھی پاکستان میں اپنی خدمات بند کر چکی ہیں۔

کیا دفتر کی بندش تشویشناک ہے؟

اگرچہ دفتر بند ہونے سے کمپنی کا ظاہری وجود متاثر ہو رہا ہے۔مگر ٹیکنالوجی ماہرین کے مطابق سروسز کی دستیابی اور شراکت داروں کے ذریعے تعاون جاری رہے گا۔ تاہم یہ واضح ہے کہ عالمی سطح پر کمپنیاں ’آن پریمیس‘ ماڈلز سے ایس اے اے ایس ماڈلز کی جانب منتقل ہو رہی ہیں۔

مائیکروسافٹ جیسے ادارے کی جانب سے دفتر بند کرنا نہ صرف کاروباری ماڈل کی تبدیلی کی علامت ہے بلکہ یہ اس بات کی بھی نشاندہی کرتا ہے کہ ٹیکنالوجی کمپنیاں اب کم لاگت، زیادہ منافع اور ڈیجیٹل سروسز پر زور دے رہی ہیں۔