کیا اے آئی نے واقعی سب کچھ سنبھال لیا ہے؟ حقیقت اور غلط فہمی

کیا اے آئی نے واقعی سب کچھ سنبھال لیا ہے؟ حقیقت اور غلط فہمی

دوستو

آپ نے وہ مشہور مکالمہ تو سن ہی رکھا ہو گا، “میرے پاس دولت ہے، شہرت ہے۔ تمہارے پاس کیا ہے؟” جواب آتا ہے: “میرے پاس ماں ہے۔” یہ بات ٹھیک ہے۔ مگر یہ بھی یاد رکھیں کہ ماں جی کے ساتھ دو وقت کی روٹی ضروری ہے، جو صرف محبت اور خالی خولی جذبات سے پوری نہیں ہوتی۔

آج کل کچھ ایسی ہی باتیں ہم ڈیجیٹل دور میں اے آئی (مصنوعی ذہانت) کو لے کر سنتے ہیں۔ جب بھی کوئی کہے کہ وہ ویب ڈیزائننگ، ای کامرس، یا کونٹینٹ کریئشن میں مہارت رکھتا ہے تو جواب آتا ہے، “میں نے اے آئی سیکھ لی ہے، یہ سب کر لے گی!” پر دوستو، کیا واقعی اے آئی ہر چیز کا متبادل ہے؟

حقیقت تو یہ ہے کہ اے آئی آپ کے کاموں کو آسان اور بہتر بنا سکتی ہے۔ مگر روایتی ہنروں کو مکمل طور پر ختم نہیں کر سکتی۔ ڈیجیٹل مہارتیں اب بھی اہم ہیں اور سب سے بڑی بات یہ ہے کہ مائیکروسافٹ آفس، ایکسل، یا ایس اے پی جیسے بنیادی سکلز کو 92 فیصد ملازمتوں میں شامل کیا جاتا ہے۔ ان سکلز کا عالمی معیشت میں 12 فیصد، یعنی تقریباً $18.5 ٹریلین کا حصہ ہے۔

تو سوال یہ ہے کہ اے آئی کیوں؟

اے آئی دراصل ان روایتی ہنروں کی بہتری کے لیے ہے۔ ڈیٹا سائنس، کلاؤڈ کمپیوٹنگ، مشین لرننگ، اور سافٹ ویئر ڈیویلپمنٹ جیسے میدانوں میں اے آئی نے کام کو تیز اور معیاری بنایا ہے۔ مثلاً کلاؤڈ کمپیوٹنگ کو لیجئے، جہاں اے آئی سے ڈیٹا اسٹوریج اور پراسیسنگ مزید مؤثر ہو جاتی ہے۔

آج 66 فیصد کمپنیاں انہی امیدواروں کو ترجیح دیتی ہیں جنہیں اے آئی کا علم ہو۔ یہی وجہ ہے کہ اے آئی سیکھنا اضافی فائدہ دے سکتا ہے، چاہے آپ تکنیکی فرد ہوں یا نہیں۔ ایک ریسرچ کے مطابق، اے آئی میں مہارت رکھنے والوں کو عموماً 25 فیصد زیادہ تنخواہ دی جاتی ہے۔

تو، سیکھنا کیا چاہیے؟

اے آئی کے ساتھ ڈیجیٹل سکلز کی ترقی کا بہترین موقع اب بھی موجود ہے۔ پائتھون پروگرامنگ، کلاؤڈ کمپیوٹنگ، پرامپٹ انجینئرنگ، اور ڈیٹا اینالیٹکس جیسے بنیادی اصول سیکھیں اور اپنے کام کو مزید مؤثر بنائیں۔ یہ ہنر آپ کی موجودہ مہارتوں کو نئی بلندیوں پر لے جائیں گے۔

آخر میں دوستو، کامیابی کا راز ایک ہی مہارت پر اکتفا نہیں، بلکہ مختلف ہنروں کو اے آئی کے ساتھ ملا کر سیکھنے میں ہے۔ تو کیوں نہ اپنی

مہارتوں کو اس طرح جوڑا جائے کہ آپ کا کیریئر بھی ترقی کرے اور اے آئی آپ کا بہترین معاون بھی بن سکے؟

اُمید ہے آپ کا سفر آسان ہو۔ تو آئیں  اردواےآئی کے ساتھ مل کر اےآئی کے بارے میں سیکھے۔

 مزید اپڈیٹس کے لیے ہمیں ٖفالو کریں۔

Youtube channel

Facebook Page

Facebook Group

Tiktok 

شکریہ!