ہانس موراویک اور ایلن ٹیورنگ

برطانوی سائنسدان ایلن ٹیورنگ مصنوعی ذہانت کے شعبے کے بانیوں میں سے ہیں۔ انھوں نے اپنے مختصر کیریئر کے دوران متعدد مقالے شائع کیے جن میں سے ایک میں روبوٹ اور انسان میں فرق پر بات کرتے ہوئے کئی اہم سوال اٹھائے گئے اور ایک نظریہ پیش کیا گیا۔ اسی نظریے کی مدد سے انجینیئرز اور محققین کو مصنوعی ذہانت کی ترقی کے عمل میں مدد ملی۔ ایم آئی ٹی میں روبوٹکس کے پروفیسر روڈنی بروکس کا کہنا ہے۔ کہ انجینیئرز نے ایسے پروگرام تشکیل دینے پر توجہ مرکوز کی جن کے ذریعے روبوٹ انسان کی طرح لگ سکیں۔

تاہم 1970 کی دہائی کے اختتام تک ایلن ٹیورنگ کے دکھائے ہوئے راستے پر چلنے والے کوئی ٹھوس کامیابی حاصل نہیں کر پائے۔

روڈنی بروکس کا کہنا ہے کہ اس وقت تحقیق کے لیے فنڈنگ بھی رک گئی کیونکہ یہ واضح نہیں ہو سکا تھا کہ آگے جانے کا راستہ کیا ہے۔ اور اس وقت تک کوئی اہم پیش رفت نہیں ہو پائی تھی۔

مصنوعی ذہانت کے میدان میں پھر متبادل نظریات کی تلاش شروع ہوئی۔ گونزالو زابالا کہتے ہیں۔ کہ پھر انسانی دماغ جیسے سرکٹ تیار کرنے پر کام ہوا جو سوچ سکتا ہو۔ یہی وہ وقت تھا جب یہ معمہ سامنے آیا کہ مصنوعی ذہانت کا عمل تو آسانی سے تیار کر لیا گیا۔ لیکن انسانوں کے بنیادی افعال کسی روبوٹ کو سکھانا تقریباً ناممکن تھا۔ 1980 کی دہائی میں روڈنی بروکس امریکی مارون مسنکی اور آسٹرین ہانس موراویک تینوں نے ہی یہ نتیجہ اخذ کیا۔ ہانس موراویک، جو امریکہ کی کارنیگی میلون یونیورسٹی میں پروفسیر تھے، نے 1988 میں کہا کہ ’کمپیوٹر کو شطرنج سکھانا آسان ہے۔ لیکن جب بات حرکت یا ادراک کی ہو تو ایک سال کے بچے کی صلاحیت دینا بھی ناممکن ہے۔

بنیادی طور پر روبوٹ جتنے سمارٹ ہوتے ہیں اتنے ہی نااہل بھی ہوتے ہیں۔