ویب ایپ کیسے بنائیں؟ اُردو اے آئی کوڈ سے عام صارفین کے لیے انقلابی آسانی

ایپ بنانا تو بس ماہرین کا کام ہے ایک عام غلط فہمی پاکستان میں جب بھی کسی کو بتایا جاتا ہے کہ وہ اپنی ذاتی “ویب ایپ” بنا سکتا ہے، تو زیادہ تر لوگ یہ سن کر گھبرا جاتے ہیں۔ خیال یہی ہوتا ہے کہ یہ کام صرف کمپیوٹر انجینیئرز یا کوڈنگ کے ماہرین کا ہے۔ لیکن اب ایک ایسا سادہ طریقہ سامنے آیا ہے جو اس تصور کو بدل سکتا ہے۔

یوٹیوب چینل Urdu AI  کی ایک ویڈیو نے اس خیال کو توڑا ہے۔ جس میں دکھایا گیا ہے کہ کس طرح صرف دو مرحلوں میں کوئی بھی شخص، چاہے وہ مدرسے کا استاد ہو یا دکاندار، اپنی ویب ایپ خود بنا سکتا ہے۔ بغیر کسی کوڈنگ کے علم کے۔

مرحلہ پہلا: اردو اے آئی چیٹ سے بات کریں

ویڈیو میں میزبان بتاتے ہیں کہ سب سے پہلا کام ہے www.urduai.org پر جانا، جہاں اُردو زبان میں تیار کردہ چیٹ بوٹ “اُردو اے آئی” موجود ہے۔ یہاں صارف کو صرف یہ لکھنا ہوتا ہے: “اردو اے آئی کوڈ”  اور بس، جادو شروع ہو جاتا ہے۔

میزبان ایک مثال دیتے ہیں:

“میں ایک مدرسے کا استاد ہوں، اور چاہتا ہوں کہ علاقے کے معززین کو دعوت نامہ بھیجوں۔ میں صرف نام، تاریخ اور پروگرام کا عنوان لکھوں، اور اُردو اے آئی میرے لیے ایک خوبصورت دعوت نامہ تیار کر دے۔”

چیٹ بوٹ فوراً ردعمل دیتا ہے۔ اور مکمل پلان کے ساتھ HTML کوڈ تیار کر کے دے دیتا ہے۔

مرحلہ دوسرا: کوڈ کو اپنی ایپ میں بدلیں

اگلا قدم ہے https://urduai.org/code پر جانا۔ یہاں دیا گیا کوڈ صرف پیسٹ کرنا ہوتا ہے۔ اور صارف “ویو” پر کلک کرکے اپنی خود کی بنی ہوئی ویب ایپ دیکھ سکتا ہے۔ بالکل ویسا انٹرفیس جیسا ایک مکمل تیار شدہ سافٹ ویئر کا ہوتا ہے۔

میزبان مزید بتاتے ہیں کہ اگر آپ چاہیں تو کوڈ میں تبدیلیاں بھی کر سکتے ہیں، مثلاً:

• مختلف رنگ

• تصاویر

• مہمانوں کے نام

• دکان کا لوگو

• پیغام کی زبان وغیرہ

اور اگر صارف چاہے تو فائل کو HTML فارمیٹ میں محفوظ کرکے آف لائن بھی چلا سکتا ہے۔ جس کا مطلب یہ ہے کہ انٹرنیٹ کے بغیر بھی یہ ایپ کام کرے گی۔

حقیقی مثالیں: دکاندار سے ڈیویلپر تک

ویڈیو میں بتایا گیا ہے کہ کوئی شخص جو صرف روزمرہ “گڈ مارننگ” میسجز بھیجتا ہے۔ وہ اب اپنی پوسٹ کارڈ یا تصویری میسج ایپ بنا سکتا ہے۔ جس میں اپنا لوگو، خوبصورت پیغام، اور برانڈنگ شامل ہو سکتی ہے ۔ اور یہ سب موبائل فون پر بیٹھ کر۔

“بس اردو میں بات کریں، خیال بتائیں، اور اردو اے آئی آپ کے لیے کام کرے گا۔”

پیچیدگی نہیں، صرف تخلیقی سوچ

اس ویڈیو کا سب سے اہم پیغام یہی ہے کہ اے آئی صرف ماہرین کے لیے نہیں۔ یہ اب عام صارفین کے لیے بھی ایک طاقتور ہتھیار ہے۔ اگر کوئی شخص صرف خیال رکھتا ہے کہ اسے کیا چاہیے، تو اُردو اے آئی اسے وہ حل دے سکتا ہے۔

ویڈیو میں غلطیوں سے سیکھنے پر بھی زور دیا گیا ہے۔ میزبان خود تسلیم کرتے ہیں کہ:

“غلطی ہونا فطری بات ہے، لیکن اگر آپ صرف دو بار کوشش کریں، تو آپ ایک ایسی ایپ بنا سکتے ہیں جس کا آئیڈیا شاید کسی نے کبھی سوچا ہی نہ ہو۔”

امکنات کی دنیا آپ کے سامنے ہے

اگر آپ کاروباری ہیں، استاد ہیں۔ یوٹیوبر ہیں، یا صرف ایک تخلیقی ذہن رکھتے ہیں۔ تو اب ویب ایپ بنانا آپ کے ہاتھ میں ہے۔ دو مرحلوں میں، بغیر کسی فیس یا رکاوٹ کے صرف اپنی زبان میں بات کر کے۔