جیمنی 2.5، اب تک کا سب سے ذہین مصنوعی ذہانت ماڈل

جیمنی 2.5 گوگل کا ایسا ماڈل ہے جو جواب دینے سے پہلے “سوچتا” ہے — یعنی یہ معلومات کو پرکھتا، سیاق و سباق کو سمجھتا، اور تجزیہ کر کے جواب دیتا ہے۔ مارچ 2025 میں متعارف ہونے والا جیمنی 2.5 پرو فی الحال LMArena لیڈر بورڈ پر پہلے نمبر پر ہے۔

جیمنی 2.5 پرو  گوگل کی طرف سے ذہانت کا شاہکار

اس نئے ماڈل کا ایک ورژن “جیمنی 2.5 پرو” کہلاتا ہے۔ جو اس وقت گوگل AI اسٹوڈیو اور جیمنی ایپ پر دستیاب ہے۔ اس ماڈل نے LMArena جیسے بینچ مارک پر پہلا نمبر حاصل کیا، جو کہ انسانی پسندیدگی کو ناپنے کا ایک عالمی معیار ہے۔ گوگل نے بتایا کہ یہ ماڈل ریاضی، سائنس، اور کوڈنگ جیسے شعبوں میں بھی شاندار کارکردگی دکھا رہا ہے، خاص طور پر ایسے ٹیسٹوں میں جہاں پیچیدہ سوچ اور تجزیے کی ضرورت ہوتی ہے۔

پروگرامنگ اور ویڈیو گیمز بنانے کی صلاحیت

جیمنی 2.5 پرو صرف تحریر یا سوالات تک محدود نہیں۔ یہ ویب ایپلی کیشنز، کوڈ میں تبدیلیاں، اور یہاں تک کہ ویڈیو گیمز بھی تیار کر سکتا ہے۔ صرف ایک لائن کی ہدایت پر، یہ مکمل کوڈ تیار کر دیتا ہے۔ گوگل نے یہ بھی بتایا کہ یہ ماڈل SWEBench جیسے کوڈنگ ٹیسٹ میں 63.8 فیصد اسکور کے ساتھ سرفہرست رہا۔ جو کہ اس کے ذہانت بھرے کام کی واضح مثال ہے۔

مختلف اقسام کی معلومات کا ماہر ماڈل

جیمنی 2.5 کی سب سے خاص بات یہ ہے کہ یہ “ملٹی موڈل” ماڈل ہے۔ یعنی یہ ایک وقت میں مختلف اقسام کی معلومات جیسے کہ تحریر، آواز، تصاویر، وڈیوز، اور یہاں تک کہ کوڈ فائلز کو بھی سمجھ سکتا ہے۔ اب یہ ماڈل ایک ملین ٹوکنز (یعنی معلوماتی اکائیاں) تک کا مواد بآسانی ہضم کر سکتا ہے۔ اور جلد ہی دو ملین تک کی صلاحیت بھی شامل کی جائے گی۔

عام صارف اور کاروباری اداروں کے لیے دستیاب

اگر آپ گوگل AI اسٹوڈیو استعمال کرتے ہیں یا جیمنی ایپ کے ایڈوانسڈ صارف ہیں۔ تو آپ آج ہی سے جیمنی 2.5 پرو کا تجربہ کر سکتے ہیں۔ گوگل جلد ہی اسے “ورٹیکس AI” پر بھی متعارف کرائے گا۔ تاکہ کمپنیاں اور ڈیویلپرز اسے بڑے پیمانے پر استعمال کر سکیں۔ گوگل کی جانب سے یہ بھی کہا گیا ہے کہ صارفین کی رائے کو سامنے رکھ کر ماڈل کو مسلسل بہتر بنایا جائے گا۔

لغت میں اور پڑھیں

• لارج لینگویج ماڈل (LLM) کیا ہے؟
• ملٹی موڈل اے آئی کیا ہے؟
• ٹوکن کیا ہے؟