کیا گوگل جیم اے آئی اسسٹنٹ آپ کا لہجہ، اندازِ تحریر اور ضروریات واقعی سیکھ سکتا ہے؟ 

اگر آپ بار بار ایک جیسے کام دہرانے سے تھک چکے ہیں اور چاہتے ہیں کہ کوئی ایسا اسسٹنٹ ہو جو آپ کے اندازِ گفتگو، ضروریات اور مزاج کو سمجھے، تو گوگل جیمز آپ کے لیے ایک بہترین حل بن سکتا ہے۔ یہ گوگل کی جانب سے فراہم کردہ ایک مفت اے آئی اسسٹنٹ ہے جو صارف کی ہدایات، فائلز اور طرزِ عمل کو یاد رکھتا ہے اور آئندہ اسے بار بار تفصیل سے پرامپٹ دینے کی ضرورت نہیں رہتی۔ جیمز دراصل گوگل جیمینائی میں موجود ہوتا ہے اور یہ جی پی ٹی پر مبنی ایک جدید فیچر ہے۔ آپ ایک بار جیمز کو اپنی پروفائل یا ڈیٹا دیتے ہیں۔ اور پھر ہر بار جب آپ جیمز سے کام لیں گے تو وہ آپ کے تناظر اور سیاق کو سمجھتے ہوئے وہی انداز برقرار رکھتے ہوئے نتیجہ فراہم کرے گا۔

مثال کے طور پر، اگر آپ نے اپنی تعلیمی اسناد، سی وی، یا کسی خاص ادارے سے متعلق معلومات جیمز کو دے رکھی ہیں تو آپ کو ہر بار نیا تعارف یا کور لیٹر لکھنے کی ضرورت نہیں پڑے گی۔ صرف ہدایت دیجیے اور جیمز فوراً اس کے مطابق مکمل، مربوط اور پیشہ ورانہ مواد تیار کر دیتا ہے۔ یہی خوبی جیمز کو دوسرے عام جی پی ٹی ٹولز سے مختلف بناتی ہے، کیونکہ یہاں بار بار تفصیلات دینے کی ضرورت نہیں رہتی۔ وہ آپ کی بول چال، تحریری انداز، اور ضروریات کے مطابق آپ کے لیے مواد تیار کرتا ہے، چاہے وہ سوشل میڈیا پوسٹ ہو یا کسی جاب کے لیے اپلائی کرنے کا طریقہ۔

اگر آپ سوشل میڈیا صارف ہیں، موٹیویشنل یا تعلیمی پوسٹس بناتے ہیں، تو جیمز آپ کے لیے اور بھی مؤثر ہے۔ فرض کریں آپ انگریزی میں کوئی کوٹیشن دیتے ہیں تو جیمز اس کو اردو میں ایک عوامی اور جذباتی انداز میں تبدیل کر دیتا ہے، جیسے “It always seems impossible until it’s done” کو اردو میں یوں بدلتا ہے: “جب تک کوئی کام مکمل نہ ہو، وہ ناممکن لگتا ہے۔” بلکہ جیمز اس سے بھی آگے بڑھ کر ایک تفصیلی، جملہ فراہم کرتا ہے جو اس کوٹیشن کی مزید وضاحت کرتا ہے تاکہ وہ پوسٹ سوشل میڈیا پر زیادہ مؤثر لگے۔

جیمز کی ایک اور خاص بات یہ ہے کہ آپ اس سے صرف ترجمہ یا تحریر ہی نہیں بلکہ گرافکس یعنی امیج پرامپٹس بھی لے سکتے ہیں۔ مثلاً آپ جیمز سے کہہ سکتے ہیں کہ “اس اقتباس کے مطابق ایک تصویری پرامپٹ بناؤ جس میں پاکستانی لوگ ہوں اور انداز واٹر کلر پینٹنگ کا ہو”۔ جیمز نہ صرف پرامپٹ لکھ کر دیتا ہے بلکہ وہ اس انداز میں ہوتا ہے کہ آپ اسے فوراً کسی امیج جنریٹر میں ڈال کر ایک خوبصورت تصویر حاصل کر سکیں، جو آپ کی سوشل پوسٹ کے ساتھ شیئر کی جا سکتی ہے۔

جہاں جیمز کا فائدہ سوشل میڈیا صارفین کو ہوتا ہے وہیں یہ پیشہ ور افراد کے لیے بھی نہایت کارآمد ہے۔ اساتذہ, لکھاری، مارکیٹرز، حتیٰ کہ کاروباری حضرات جیمز کی مدد سے اپنی روزمرہ کی تحریری ضروریات جیسے کور لیٹر، سی وی، ای میلز یا پریزینٹیشنز آسانی سے تیار کر سکتے ہیں۔ ایک بار آپ نے تفصیلات دے دیں، تو وہ ہر نئے سیاق کے مطابق نیا مواد خودکار طور پر فراہم کرے گا۔ مثال کے طور پر، اگر آپ کہتے ہیں کہ “میری سی وی کے مطابق نیشنل بینک کراچی کے مینیجر کے نام ایک تعارفی ای میل لکھیں”، تو جیمز آپ کے نام، تجربے، اور ادارے کی بنیاد پر مکمل ای میل تیار کر دے گا۔ یہی نہیں، جیمز آپ کی ٹیم کے دوسرے افراد کے ساتھ بھی شیئر کیا جا سکتا ہے تاکہ اگر آپ ایک ہی طرز کی زبان اور انداز برقرار رکھنا چاہتے ہیں تو وہ بھی ممکن ہو جائے۔ ہر رائٹر، ہر سوشل میڈیا ایڈیٹر یا ٹیم ممبر جیمز کے اسی ورژن کو استعمال کر سکتا ہے جو آپ نے سیٹ کیا ہو۔

جیمز تک رسائی بھی انتہائی آسان ہے۔ آپ کو صرف Gemini app پر جانا ہے، یا جیمینائی ویب سائٹ پر جا کر “Explore Gems” سیکشن میں نیا جیم بنا لینا ہے۔ جیسے آپ ایک جیم بنا سکتے ہیں جس کا نام ہو “Urdu Quote Writer” یا “Resume Builder”۔ پھر آپ اس جیم کو ہدایات دیتے ہیں کہ اس کا کام کیا ہو گا۔ جیسے: “جب بھی میں انگریزی میں کوئی کوٹ دوں تو اسے اردو میں دلچسپ اور بامعنی انداز میں لکھنا ہے۔”

ایک جیم بنانے کے بعد آپ اسے “Start Chat” کر کے استعمال کر سکتے ہیں۔ بار بار صرف مطلوبہ کوٹ یا سیاق دیں، اور نتیجہ حاصل کریں۔ جیمز کی یہی خوبی اسے عام جی پی ٹی یا اے آئی ٹولز سے منفرد بناتی ہے۔ آپ کو ہر بار نیا پرامپٹ لکھنے کی جھنجھٹ نہیں ہوتی۔ جیمز کی مدد سے آپ کو اپنے سوشل میڈیا کے لیے مربوط پوسٹس، اقتباسات، اردو ترجمے، تصویری مواد اور پروفیشنل ڈاکومنٹس بنانے میں کسی علیحدہ سروس یا مہنگے ٹول کی ضرورت نہیں پڑتی۔ اگر آپ اپنی ٹیم کے ساتھ ایک جیسا برانڈ لہجہ یا زبان قائم رکھنا چاہتے ہیں، تو جیمز آپ کی پوری ٹیم کو ایک جیسا آؤٹ پٹ فراہم کرتا ہے، جو برانڈ کنسسٹنسی کے لیے نہایت ضروری ہے۔

اگر آپ ایک اردو صارف ہیں جو سوشل میڈیا، تعلیمی اداروں، یا پیشہ ور دنیاؤں میں اپنا اثر بڑھانا چاہتے ہیں تو جیمز آپ کے لیے انقلابی ثابت ہو سکتا ہے۔ یہ ایک ایسا ذاتی اے آئی اسسٹنٹ ہے جو آپ کو وقت، محنت اور ذہنی دباؤ سے بچا کر آپ کی تخلیقی صلاحیتوں کو بڑھا سکتا ہے۔ ایک بار استعمال کریں، اور فرق خود محسوس کریں۔