پرپلیکسیٹی کے سی ای او نے ایلون مسک سے متاثر ہو کر 9 ارب ڈالر کی  اے آئی کمپنی کیسے بنائی؟

مصنوعی ذہانت کی دنیا میں ایک نئی آواز: پرپلیکسیٹی

نوجوان کاروباری شخصیت اروند سرنیواس نے جب پرپلیکسیٹی کا آغاز کیا۔  تو اُن کے سامنے گوگل اور اوپن اے آئی جیسے دیو ہیکل نام کھڑے تھے۔ مگر آج یہی کمپنی 9 ارب ڈالر سے زائد کی قدر رکھتی ہے۔ اور بات ہو رہی ہے کہ اگلے مرحلے میں اس کی قیمت 18 ارب ڈالر تک پہنچ سکتی ہے۔

سرنیواس نے ہارورڈ بزنس اسکول میں طلبہ کو بتایا کہ ان کی کامیابی کا راز ایک سادہ لیکن پُراثر جملہ ہے۔  “یہ ختم تب ہوتا ہے جب آپ سمجھتے ہیں کہ یہ ختم ہو چکا ہے”۔ اُن کے مطابق یہ جملہ انہیں ایلون مسک سے متاثر ہو کر ملا۔  جنہوں نے سپیس ایکس کے ناکام راکٹ تجربات کے باوجود ہار نہیں مانی۔

ایلون مسک کا اثر: کبھی ہار نہ ماننے کا سبق

سرنیواس کہتے ہیں۔ “جب تک آپ ہار نہیں مانتے، سب کچھ ممکن ہے۔” ایلون مسک کا 2012 میں دیا گیا بیان آج بھی ان کے ذہن میں تازہ ہے: “میں کبھی ہار نہیں مانتا۔ مجھے مرنا یا مکمل معذور ہونا پڑے گا تب جا کر رکوں گا۔”

یہ الفاظ محض نعرے نہیں، بلکہ پرپلیکسیٹی کی تیز رفتار ترقی کا عملی ثبوت ہیں۔ ایک سال کے اندر کمپنی نے اپنی قدر میں 9 گنا اضافہ کیا۔ اگر آپ ایلون مسک کے موجودہ منصوبوں میں دلچسپی رکھتے ہیں تو ایلون مسک کا نیا منصوبہ GROK اور Grok AI کا تعارف بھی قابلِ مطالعہ ہیں۔

سرمایہ کاروں کی توجہ حاصل کرنے کا انوکھا طریقہ

روایتی پچ ڈیک (pitch deck) کو بھول جائیں۔ سرنیواس کہتے ہیں: “بس کوئی چیز بنائیں، آزمائیں، اور دہرائیں۔” ان کے مطابق زیادہ تر نوجوان بانی چھ سے بارہ ماہ صرف اس بات پر سوچتے رہتے ہیں کہ کیا کرنا ہے، مگر اصل حل یہی ہے کہ کام شروع کیا جائے۔

سرنیواس کا کہنا ہے کہ اُن کے پاس آج بھی کوئی پچ ڈیک نہیں ہے۔ اور شاید وہ بنانا جانتے بھی نہ ہوں۔ ان کے لیے ایک کام کرتا ہوا پروڈکٹ ہی سب سے بڑی دلیل ہے۔

اوپن اے آئی: سابقہ ساتھی، موجودہ حریف

دلچسپ بات یہ ہے کہ سرنیواس نے اپنے کیریئر کی شروعات اوپن اے آئی میں ریسرچ انٹرن کی حیثیت سے کی۔ آج اگرچہ پرپلیکسیٹی اور اوپن اے آئی بڑی حد تک ایک دوسرے کے حریف ہیں، مگر تعلقات خوشگوار ہیں۔

سیم آلٹمین، جو کبھی ان کے باس تھے، نے حال ہی میں ایک پوسٹ میں انہیں سراہتے ہوئے کہا: “Keep cooking out there! Proud of you.” یہ ماحول ایک نئی پی پال مافیا کی تشکیل کی جانب اشارہ کرتا ہے۔ جہاں پرانے ساتھی اب اربوں ڈالر کی کمپنیوں کے بانی بن چکے ہیں۔

ایلون مسک اور اوپن اے آئی کی نئی کشمکش پر بھی ہماری مکمل رپورٹ ضرور دیکھیں۔

 جذبہ، سادگی اور یقین

اروند سرنیواس کا پیغام سادہ ہے: خود پر یقین رکھیں، کام کریں، اور کبھی ہار نہ مانیں۔ مصنوعی ذہانت کی دنیا میں آج مقابلہ سخت ہے، مگر جذبے سے لبریز نوجوان بانی ہر حد پار کر رہے ہیں۔ ایلون مسک کا اعلان: انسانوں کا ڈیٹا ختم، اب دور ہے مصنوعی ڈیٹا کا پر بھی ہماری مکمل رپورٹ ضرور دیکھیں۔

یہ بلاگ Fortune: Perplexity CEO and Elon Musk’s Inspiring Mantra میں شائع شدہ ایک مضمون پر مبنی ہے۔