مائیکروسافٹ کے اے آئی لیپ ٹاپ: اب جدید ٹیکنالوجی سب کے لیے

مائیکروسافٹ نے نئے لیپ ٹاپ اور ٹیبلٹ متعارف کرائے ہیں جن میں مصنوعی ذہانت کی جدید خصوصیات شامل ہیں اور قیمت بھی نسبتاً کم رکھی گئی ہے۔ کمپنی کا کہنا ہے کہ ان ڈیوائسز کو خاص طور پر ان صارفین کے لیے تیار کیا گیا ہے جو اعلیٰ ٹیکنالوجی تو چاہتے ہیں، لیکن بجٹ محدود ہوتا ہے۔ نئے Surface لیپ ٹاپ کی 13 انچ اسکرین اور Surface Pro ٹیبلٹ کی 12 انچ اسکرین ہے، جن کی فروخت 20 مئی سے شروع ہو گی۔ لیپ ٹاپ کی قیمت 899 ڈالر اور ٹیبلٹ کی قیمت 799 ڈالر رکھی گئی ہے۔

کم قیمت میں Copilot+ جیسی سہولت

یہ پہلا موقع ہے کہ مائیکروسافٹ نے Copilot+ جیسی AI سہولیات کو کم قیمت والے لیپ ٹاپ میں پیش کیا ہے۔ یہ وہی فیچر ہے جس سے آپ اپنی زبان میں سوال کر کے کمپیوٹر سیٹنگز یا ورڈ ڈاکیومنٹس کے ابتدائی مسودے بنا سکتے ہیں۔ اب سے پہلے یہ خصوصیات صرف مہنگی مشینوں میں دستیاب تھیں، جن کی قیمت اکثر 1000 ڈالر سے زائد ہوتی تھی۔ نئی ڈیوائسز اس خلا کو پر کرتی ہیں، خاص طور پر طلبہ اور ابتدائی کیریئر کے افراد کے لیے۔

طلبہ اور نوجوان پروفیشنلز کے لیے

مائیکروسافٹ کے نائب صدر پون داوالوری کا کہنا ہے:

’’ہم سمجھتے ہیں کہ یہ Surface Pro اور لیپ ٹاپ ان صارفین کے لیے ہیں جن کے لیے affordability (کم قیمت) اہم ہے۔‘‘

یہ لیپ ٹاپ نہ صرف قیمت میں مناسب ہیں بلکہ ان میں وہی Copilot+ فیچرز موجود ہیں جو مہنگے ماڈلز میں دستیاب تھے۔

Qualcomm چپ، Apple سے سستا متبادل؟

ان ڈیوائسز میں Qualcomm کا Snapdragon X Plus چپ استعمال کیا گیا ہے۔ یہ ایپل کے MacBook Air اور iPad Pro جیسے پراڈکٹس سے قیمت میں قدرے کم اور کارکردگی میں ہم پلہ سمجھی جا رہی ہیں۔

مائیکروسافٹ کی اے آئی میں بڑی سرمایہ کاری

یاد رہے کہ مائیکروسافٹ نہ صرف سستے لیپ ٹاپس پر کام کر رہی ہے بلکہ AI میں بڑے پیمانے پر سرمایہ کاری بھی کر رہی ہے۔ حال ہی میں کمپنی نے بھارت میں 3 ارب ڈالر کی سرمایہ کاری کا اعلان کیا، جبکہ ڈیٹا سینٹرز پر 80 ارب ڈالر کی سرمایہ کاری بھی جاری ہے۔ دوسری جانب، گیم ڈویلپمنٹ میں AI بوٹ متعارف کرا کر کمپنی نوجوان ڈیولپرز کو بھی نئی راہیں دکھا رہی ہے۔

اے آئی سب کے لیے: اردو اے آئی سے سیکھیں

اگر آپ بھی جاننا چاہتے ہیں کہ  اے آئی   کیسے کام کرتا ہے یا اپنی مہارت بڑھانا چاہتے ہیں تو یہ صفحہ دیکھیے  جہاں ہم اردو میں سب کچھ سکھا رہے ہیں۔

اردو اے آئی ٹیم کے مطابق

اردو اے آئی ٹیم کے مطابق، یہ لیپ ٹاپ نئی نسل کے لیے AI کو قابل رسائی بنانے کی کوشش کا حصہ ہیں۔ کم قیمت، بہتر کارکردگی اور جدید فیچرز کے ساتھ یہ نئی ڈیوائسز تعلیم اور کام دونوں میں انقلاب لا سکتی ہیں۔

یہ معلومات Tribune کی آفیشل بلاگ رپوٹ سے حاصل کی گئی ہے۔