پرپلکسٹی کے نئے فیچرز: مصنوعی ذہانت کے میدان میں ایک انقلابی قدم
مصنوعی ذہانت کے بڑھتے ہوئے رجحان کے ساتھ، دنیا بھر میں متعدد ٹولز متعارف ہو رہے ہیں۔ جو ہماری روزمرہ تحقیق اور معلومات تک رسائی کو بدل رہے ہیں۔ ایسے میں پرپلکسٹی (Perplexity) کے نئے فیچرز خاموشی سے ایک بڑا انقلاب لا رہا ہے۔ ابتدائی طور پر ایک سرچ ٹول کے طور پر سامنے آنے والا پرپلکسٹی، اب تحقیق، تعلیم اور ڈیجیٹل معاونت کے میدان میں اپنی انفرادیت منوا رہا ہے۔
گوگل سے آگے: پرپلکسٹی کا نیا انداز
جہاں گوگل ایک طویل فہرست میں ویب سائٹس کے لنکس پیش کرتا ہے۔ وہاں پرپلکسٹی مختصر اور جامع جوابات کے ساتھ ساتھ قابل اعتماد ذرائع کے لنکس بھی فراہم کرتا ہے۔ یہ انداز خاص طور پر ان لوگوں کے لیے مفید ہے جو فوری معلومات کے خواہاں ہیں۔ گوگل جیمنی کے فیچرز کے باوجود، پرپلکسٹی اپنی سادگی اور مؤثریت کی وجہ سے نمایاں ہے۔
نئے فیچرز جو پرپلکسٹی کو ’گیم چینجر‘ بناتے ہیں
1. لیبز (Labs):
اب آپ صرف ایک سوال لکھ کر اس کا جواب ویب ایپ، رپورٹ، ڈیش بورڈ یا سلائیڈز کی صورت میں حاصل کر سکتے ہیں۔
2. وائس موڈ:
آپ اپنی آواز میں سوال کریں اور ساتھ میں تحریری ٹرانسکرپٹ بھی حاصل کریں۔ یہ فیچر خاص طور پر فطرت، تاریخ اور ادب جیسے موضوعات کے لیے دلچسپ ہے۔
3. ٹیمپلیٹس:
مختلف موضوعات جیسے تعلیم، مالیات اور مارکیٹنگ کے لیے ’اسپیسز‘ کے ٹیمپلیٹس دستیاب ہیں تاکہ تحقیقی کام آسان ہو جائے۔
4. ٹرانسکرپشن:
آپ 25 ایم بی تک کی فائل اپلوڈ کر کے اس سے نکات اور تجاویز حاصل کر سکتے ہیں۔
5. موضوعاتی صفحات:
مالیات، سفر، خریداری اور تعلیم جیسے شعبوں کے لیے مخصوص لینڈنگ پیجز بھی فراہم کیے جا رہے ہیں۔
پرپلکسی کب استعمال کریں؟
- کسی پیچیدہ موضوع جیسے “چین اور شمالی کوریا کے تعلقات” پر خلاصہ اور ذرائع درکار ہوں۔
- کسی ذاتی دلچسپی جیسے “موزارٹ کا بطور وائلنسٹ ارتقاء” پر تفصیلات جاننی ہوں۔
- قدرتی آفات سے متعلق کراؤڈ سورسنگ تنظیموں کی فہرست چاہیے ہو۔
ایسے تحقیقی اور تخلیقی کام کے لیے اردو اے آئی ماسٹر کلاس جیسے کورسز بھی مددگار ہو سکتے ہیں۔
کیا چیز پرپلکسٹی کو نمایاں بناتی ہے؟
- حوالہ جات کے ساتھ درست معلومات
- طویل مضامین کی بجائے جامع خلاصہ
- جملہ در جملہ سوالات کی گنجائش
- ویژول اور انٹرایکٹو فیچرز جیسے لیبز
- تحقیقی ’اسپیسز‘ اور پبلک شیئرنگ پیجز
اگر آپ وی ایس کوڈ میں پرپلکسٹی کے استعمال پر غور کریں۔ تو یہ پروگرامنگ اور تحقیق کو ایک ہی جگہ پر لا کر وقت کی بچت کرتا ہے۔
پرپلکسٹی سے بہترین فائدہ کیسے اٹھائیں؟
- سوال کو مختصر نہیں بلکہ تفصیل سے لکھیں
- ترجیحی ذرائع کا ذکر کریں (مثلاً .gov، academic)
- AI ماڈل منتخب کریں جیسے Grok، Claude یا Gemini
- ذاتی پروفائل میں دلچسپیاں درج کریں تاکہ جوابات حسبِ ضرورت آئیں
قیمت اور پرائیویسی
پرپلکسٹی کا فری ورژن روزانہ تین پرو سرچز، تین فائل اپلوڈز اور لامحدود کوئیک سرچز دیتا ہے۔ جبکہ $20/ماہ میں لیبز، مکمل اپلوڈ اور زیادہ حوالہ جات کی سہولت دستیاب ہے۔
اپنی پرائیویسی کے لیے:
- ڈیٹا ریٹینشن بند کریں
- انکگنیٹو موڈ استعمال کریں
- بغیر لاگ ان ہوئے سرچ کریں
پرپلکسٹی ایک قابل اعتماد
آج جب معلومات کی دنیا بے حد وسیع اور پیچیدہ ہو چکی ہے، تو ایسے میں پرپلکسٹی ایک قابل اعتماد، مختصر اور حوالہ جاتی سرچ کا بہترین ذریعہ بن کر سامنے آیا ہے۔ چاہے آپ محقق ہوں، طالبعلم یا عام قاری پرپلکسٹی آپ کو وقت بچانے اور بہتر معلومات تک رسائی فراہم کرتا ہے۔