اے آئی کی دنیا میں تازہ ترین اپڈیٹس: ویڈیو ایڈیٹنگ سے چیٹ جی پی ٹی تک

مصنوعی ذہانت یعنی اے آئی کا جہاں ہر لمحہ بدل رہا ہے۔ وہیں حالیہ چند دنوں میں سامنے آنے والی تازہ ترین اپڈیٹس نے اس ٹیکنالوجی کی عوامی رسائی کو مزید آسان اور دلچسپ بنا دیا ہے۔ یہ تفصیلات اردو اے آئی کے بانی قیصر رونجھا  نے اپنے تازہ ترین یوٹیوب ویڈیو میں شیئر کی ہیں جس کا مقصد عام لوگوں کو آسان انداز میں جدید ترین اے آئی فیچرز سے آگاہ کرنا ہے۔

میٹا کا نیا فیچر: تصویر بدلو، دنیا بدلو

قیصر رونجھا کے مطابق میٹا اے آئی نے ایک نیا فیچر متعارف کروایا ہے۔ جس کی مدد سے صارفین اپنی ویڈیوز کو صرف چند کلکس میں تبدیل کر سکتے ہیں۔ meta.ai ویب سائٹ پر دستیاب اس فیچر میں آپ اپنی ویڈیو اپلوڈ کر کے مختلف ٹیمپلیٹس کے ذریعے ویڈیو کی لوکیشن، اسٹائل اور حتیٰ کہ کرداروں کی ڈریسنگ تک بدل سکتے ہیں۔

انہوں نے ایک مثال دیتے ہوئے کہا کہ ’اگر آپ چاہتے ہیں کہ ایک خاتون کچن کے بجائے کسی ساحل پر کھانا پکا رہی ہو تو یہ تبدیلی چند سیکنڈز میں ممکن ہے۔‘

واٹس ایپ پر بیک گراؤنڈ ریموول اور اینیمیشن

قیصر رونجھا نے ویڈیو میں دکھایا کہ کیسے ایک تصویر کو اپلوڈ کر کے اس کا پس منظر بدلا جا سکتا ہے۔ اور اسے کسی گاؤں، ساحل یا پہاڑ میں تبدیل کیا جا سکتا ہے۔ اس کے علاوہ، وہی تصویر اینیمیٹ بھی کی جا سکتی ہے تاکہ اس سے ایک مختصر ویڈیو یا اسٹوری تیار کی جا سکے۔

یہ فیچرز واٹس ایپ، انسٹاگرام اور فیس بک میسنجر پر دستیاب ہیں۔ اور ویڈیو میں ان کی لائیو ڈیمونسٹریشن بھی شامل تھی۔

کو پائلٹ کا بصری استاد

ویڈیو میں دوسرا اہم پہلو مائیکروسافٹ کو پائلٹ کا نیا فیچر تھا۔ جو اب صرف وائس ہدایت پر نہیں بلکہ صارف کو یہ بھی دکھاتا ہے کہ کہاں کلک کرنا ہے۔ قیصر رونجھا نے بتایا کہ ’یہ ایسے ہے جیسے کوئی دوست آپ کی انگلی پکڑ کر سکھا رہا ہو۔‘

چیٹ جی پی ٹی اور واٹس ایپ کا نیا انضمام

چیٹ جی پی ٹی سے متعلق انہوں نے بتایا کہ اب آپ نہ صرف وائس نوٹس بھیج سکتے ہیں بلکہ تصاویر بھی اپلوڈ کر سکتے ہیں۔ جن میں چیٹ جی پی ٹی آپ کی ہدایات کے مطابق تبدیلی کر کے واپس بھیجے گا۔
انہوں نے ایک مثال دی جس میں ان کی اپنی تصویر کو ’جیبلی اسٹائل‘ میں تبدیل کر دیا گیا۔

اردو اے آئی کی ماسٹر کلاسز: بچوں اور پروفیشنلز دونوں کے لیے

ویڈیو کے آخر میں قیصر رونجھا نے اردو اے آئی کی دو مختلف ماسٹر کلاسز کا بھی تذکرہ کیا۔ ایک 8 سے 15 سال کے بچوں کے لیے ہے۔ اور دوسری فری لانسرز اور پروفیشنلز کے لیے، جہاں انہیں آٹومیشن اور واٹس ایپ بزنس انٹیگریشن جیسے موضوعات سکھائے جا رہے ہیں۔

جہاں بدلے، انداز بدلے

قیصر رونجھا کی ویڈیو اور اس ہفتے کی اپڈیٹس یہ ظاہر کرتی ہیں۔ کہ اے آئی اب صرف ماہرین کا میدان نہیں رہا بلکہ یہ عام انسان کی پہنچ میں آ چکا ہے۔ ویڈیوز، تصویریں، بات چیت یا خودکار نظامات ہر شعبے میں اے آئی کی رسائی بڑھ رہی ہے۔

مزید معلومات، کلاسز اور مکمل ویڈیو دیکھنے کے لیے اردو اے آئی کی ویب سائٹ کا وزٹ ضرور کریں۔