اردو اے آئی اسٹوری ٹیلنگ ورکشاپ: اے آئی کی مدد سے کہانیاں سنانے کا فن

مصنوعی ذہانت یعنی اے آئی اب صرف سائنس فکشن کا موضوع نہیں رہا بلکہ عام انسان کی روزمرہ زندگی میں داخل ہو چکا ہے۔ حالیہ دنوں اردو اے آئی نے ایک ایسی ورکشاپ کا انعقاد کیا۔ جس میں عام صارفین کو سکھایا گیا کہ کیسے مفت اے آئی ٹولز کے ذریعے تخلیقی ویڈیوز اور سبق آموز کہانیاں تیار کی جا سکتی ہیں۔ یہ ورکشاپ خاص طور پر ان نوجوانوں کے لیے تھی جو ڈیجیٹل دنیا میں اردو اے آئی کے ذریعے اپنا تخلیقی کردار ادا کرنا چاہتے ہیں۔

کہانی کا پہلا قدم: خیال سے تصویر تک

اس ورکشاپ میں سیکھنے والوں کو سب سے پہلے مختصر کہانی لکھنے کی تربیت دی گئی۔ اے آئی چیٹ بوٹ کی مدد سے ایک ایسا اسکرپٹ تیار کیا گیا جو چھ سے آٹھ مناظر پر مشتمل تھا اور جس میں ڈائیلاگز کی جگہ وائس اوور استعمال کیا جاتا ہے۔ کہانی کا مرکزی خیال یہ تھا:  اپنے ساتھ مہربان بنو تاکہ دوسروں کے ساتھ بھی مہربانی ممکن ہو سکے۔

کردار سازی: پکسار انداز میں اردو کردار

اگلا مرحلہ تھا مرکزی کردار کی تخلیق۔ مثلاً ایک 35 سالہ مرد جو ہر وقت غصے میں رہتا ہے۔ دفتر اور گھر دونوں جگہ پریشان کن ماحول پیدا کرتا ہے۔ اس کی ظاہری شکل و صورت چیٹ بوٹ کی مدد سے طے کی گئی: کمیز شلوار، نظر کی عینک، ہلکی داڑھی، اور تیز رنگ کے کپڑے۔ ہر منظر میں یکسانیت قائم رکھنے کے لیے کردار کی مکمل شناخت یعنی “آئیڈنٹیٹی بلاک” کو لاک کیا گیا۔

تصویری خاکے اور اینیمیشنز کیسے بنے؟

کردار جب طے ہو گیا تو اب باری تھی تصویری مناظر کی تخلیق کی۔Google whick کا استعمال کرتے ہوئے ہر منظر کا ایک پرامپٹ چیٹ بوٹ سے لیا گیا، جس سے تصاویر تیار کی گئیں۔ انہی تصاویر کو پھر Google whick میں اینیمیشن میں بدلا گیا۔ ہر سٹیج پر کردار کی شناخت برقرار رکھی گئی تاکہ ویڈیو میں تسلسل قائم رہے۔

وائس اوور اور جذباتی نریشن کی تشکیل

کہانی کو روح دینے کے لیے وائس اوور کی ضرورت تھی۔ اس کے لیے OpenAI FM استعمال کیا گیا۔ اردو میں نریشن کو مردانہ آواز میں پیش کیا گیا، جس میں جذبات، وقفے اور تاثرات کا خاص خیال رکھا گیا۔ اگرچہ یہ ٹیکنالوجی محدود وقت کے لیے دستیاب ہے، مگر اس کا استعمال قابل تقلید ہے۔

ایڈیٹنگ اور تکمیل کی جانب سفر

تمام تصویری اور صوتی اجزاء کو CapCut جیسے مفت ویڈیو ایڈیٹرز کی مدد سے جوڑا گیا۔ ویڈیو کے اختتام پر پیغام “مہربان بنو” کے ساتھ “پروڈیوسڈ بائے اردو اے آئی” کا لوگو شامل کیا گیا، جو برانڈ کی پہچان بھی ہے اور تخلیقی کام کا اعتراف بھی۔

سیکھنے والوں کے لیے ایک پیغام

اس ورکشاپ کا سب سے بڑا سبق یہی تھا۔ کہ اے آئی ٹولز کسی بھی تخلیقی فرد کے لیے ایک نیا در کھول سکتے ہیں۔ تمام ٹولز جیسے اردو اے آئی کا چیٹ بوٹ، Google whisk، اور  OpenAI FM  مفت دستیاب ہیں۔ صرف ارادہ اور محنت درکار ہے۔

اے آئی کا جادو: ہر قدم پر معاون

• کہانی نویسی سے لے کر وائس اوور تک، ہر قدم پر اے آئی نے معاونت کی۔

• محدود وسائل میں عالمی معیار کی ویڈیوز ممکن ہوئیں۔

• اردو زبان میں کام کرنے والوں کے لیے اے آئی اب ایک حقیقی سہارا بن چکا ہے۔