Google VEO2 ماڈل: صرف تحریر سے ویڈیو بنانے کی صلاحیت

گوگل نے جیمینائی ایڈوانس صارفین کے لیے اپنا جدید ویڈیو جنریشن ماڈل Google VEO2 دستیاب کر دیا ہے۔ یہ ماڈل اب صارفین کو محض تحریری ہدایات دے کر 720p کوالٹی کی 8 سیکنڈز کی ویڈیوز بنانے کی سہولت فراہم کر رہا ہے۔

یہ کیسے کام کرتا ہے؟

قیصر رونجھا، جو اردو اے آئی کے بانی ہیں۔ ان کے مطابق یہ ماڈل پہلے صرف Google AI Studio میں دستیاب تھا اور ایک یا دو ویڈیوز بنانے کی اجازت دیتا تھا۔ لیکن اب روزانہ 30 ویڈیوز بنانے کی حد مقرر کی گئی ہے۔ صارفین https://gemini.google.com/ پر جا کر VEO2 ماڈل کو منتخب کرتے ہیں۔ پرامپٹ درج کرتے ہیں۔ اور پھر یہ ماڈل خود بخود ویڈیو تیار کرتا ہے۔

ویڈیوز کی نوعیت اور معیار

VEO2 سے بنائی گئی ویڈیوز میں:

• گینگسٹر سینز،
• جاسوسی مناظر،
• ڈاکیومنٹری اسٹائل،
• پکسر طرز کی کارٹون ویڈیوز جیسے سینز شامل ہو سکتے ہیں۔

قیصر رونجھا کے مطابق ویڈیوز کا معیار YouTube کے ڈیٹا پر مبنی ٹریننگ کی وجہ سے انتہائی حقیقت کے قریب ہے۔ ایک سین میں انہوں نے بتایا کہ ویڈیو میں کیمرہ اینگل، بیک گراؤنڈ ڈیپتھ اور پروفیشنل اسٹائل ویسے ہی ہیں جیسے فلموں میں ہوتے ہیں۔

اردو اے آئی اسٹائل پرامپٹس کا استعمال

اگر آپ کو پرامپٹ بنانے میں مشکل ہو تو اردو اے آئی کی ویب سائٹ پر مختلف اسٹائلز کے لیے تیار شدہ پرامپٹس دستیاب ہیں۔ جن میں ایکشن، ڈراما، فلم، ڈاکیومنٹری، پکسر اسٹائل وغیرہ شامل ہیں۔ صارف صرف کردار اور مقام کا ذکر کرے تو باقی سینری خود AI تیار کر لیتی ہے۔ اس حوالے سے VEO 2 اور جیمینائی میں ویڈیو سازی کا جادو ضرور ملاحظہ کریں۔

احتیاطی پہلو

ایک تجربے میں جب قیصر رونجھا نے “12 سالہ لڑکی” پر مشتمل پرامپٹ استعمال کیا تو ماڈل نے اسے مسترد کر دیا۔ ان کا کہنا ہے کہ گوگل نے VEO 2 میں بچوں سے متعلق مواد پر خودکار فلٹرز لگا رکھے ہیں۔ بعد میں انہوں نے کردار کی عمر تبدیل کر کے 21 سال کیا تو ویڈیو تیار ہو گئی۔

فلم سازی یا تخلیق؟

قیصر رونجھا کا کہنا ہے کہ اب ویڈیو بنانے کے لیے آپ کو نہ فلم اسکول جانے کی ضرورت ہے۔ نہ مہنگے کیمرے رکھنے کی۔ بس تخلیقی ذہن ہو اور آپ AI کی مدد سے پوری سیریز، کارٹون فلم، یا اشتہار بنا سکتے ہیں۔

مثال کے طور پر انہوں نے ایک اسٹوری لائن دی جس میں ایک 3D لڑکی اور بڑے کانوں والا  کتا مل کر مشن پر جاتے ہیں۔ اور AI نے اس پر مکمل سینری بنا دی۔ اگر آپ Ghibli طرز پر ویڈیوز کی تخلیق دیکھنا چاہتے ہیں تو وہ بھی دستیاب ہے۔

تکنیکی حدود اور امکانات

VEO2 اس وقت صرف آٹھ سیکنڈ کی ویڈیوز بناتا ہے۔ لیکن امکان ظاہر کیا جا رہا ہے کہ مستقبل میں یہ طویل دورانیے کی فلمیں یا سیریز بھی تیار کر سکے گا۔ قیصر رونجھا کے مطابق فلم سازی کے روایتی طریقے جلد ہی بدلنے والے ہیں۔ اور اب تخلیقی صلاحیت سب سے بڑا ہنر بن چکا ہے۔ AI کے ذریعے ویڈیو اور آڈیو پروڈکشن کا نیا دور بھی دیکھنے کو مل رہا ہے۔

مارکیٹنگ میں استعمال

اردو اے آئی کی موبائل ایپ کے اشتہار کے لیے بھی انہوں نے VEO2 کا استعمال کیا، جس میں تمام کردار اور سینز AI نے تیار کیے۔ یہ اشتہار مکمل طور پر AI جنریٹڈ تھا۔

صارفین کے لیے پیغام

اگر آپ AI نہیں سیکھ سکے تو ابھی وقت ہے۔ اردو اے آئی کی ویب سائٹ اور موبائل ایپ کے ذریعے آپ آسان الفاظ میں AI کو سمجھ سکتے ہیں۔ آنے والے وقت میں 2025 میں AI کا کردار مزید اہم ہو جائے گا۔